மெல்போர்னின் CBD இல் இஸ்ரேல் மற்றும் பாலஸ்தீன ஆதரவு போராட்ட குழுக்களுக்கு இடையே ஏற்பட்ட மோதலில் 6 பேர் கைது செய்யப்பட்டுள்ளனர்.
இரண்டு தனித்தனி கூட்டங்களிலும் சுமார் 7,000 பேர் கலந்து கொண்டதாக போலீசார் தெரிவித்தனர்.
இவர்களது போராட்டங்களுக்கு ஏற்பாட்டாளர்கள் தனியான இடங்கள் மற்றும் வழித்தடங்களை திட்டமிட்டுள்ள போதிலும், ஒரு குழுவைச் சேர்ந்த எதிர்ப்பாளர்கள் மற்றைய குழுவிற்குச் சென்றமையினால் மோதல் ஏற்பட்டுள்ளதாக தெரியவந்துள்ளது.
பாதுகாப்பை உறுதிப்படுத்தவும் வன்முறையைத் தடுக்கவும், இரு குழுக்களையும் தனித்தனியாக வைத்திருக்க விக்டோரியா காவல்துறைக்கு அதிகாரம் அளிக்கப்பட்டதாகக் கூறப்படுகிறது.
கைது செய்யப்பட்ட 6 பேரும் பிணையில் விடுவிக்கப்பட்டுள்ளதாகவும், நீதிமன்றத்தில் ஆஜராகுமாறு அவர்களுக்கு சம்மன் அனுப்பப்படும் எனவும் பொலிஸார் தெரிவித்தனர்.
மெல்பேர்ணில் ஒரு வாரகால போராட்ட நடவடிக்கைகளின் பின்னர் இன்று இந்த சூடான நிலைமை பதிவாகியுள்ளது.
கடந்த சனிக்கிழமை, பாலஸ்தீனிய ஆதரவு ஆர்ப்பாட்டக்காரர்கள் பிரதம மந்திரி அந்தோனி அல்பானீஸ் கலந்துகொண்ட தொழிலாளர் கட்சி மாநாட்டையும் தாக்கினர்.
தற்போது அவுஸ்திரேலியா முழுவதும் பல பல்கலைக்கழகங்களில் பாலஸ்தீன ஆதரவு முகாம்கள் நிறுவப்பட்டுள்ளதுடன், மெல்போர்ன் பல்கலைக்கழக மாணவர்களும் அங்குள்ள கட்டிடத்தை ஆக்கிரமித்துள்ளனர்.
