இலங்கையைச் சேர்ந்த 4 பயங்கரவாதிகள் இந்தியாவில் கைது

இலங்கையில் இருந்து வந்ததாக சந்தேகிக்கப்படும் 4 ISIS பயங்கரவாதிகள் கைது செய்யப்பட்டுள்ளதாக இந்திய ஊடகங்கள் தெரிவிக்கின்றன.

அகமதாபாத்தில் உள்ள விமான நிலையத்தில் வைத்து இவர்களை குஜராத் தீவிரவாத தடுப்பு பிரிவு போலீசார் கைது செய்துள்ளதாக கூறப்படுகிறது.

இவர்கள் அனைவரும் இலங்கையர்கள் என இந்தியாவின் ஹிந்துஸ்தான் டைம்ஸ் செய்தி வெளியிட்டுள்ளது.

சந்தேக நபர்களை குஜராத் தீவிரவாத தடுப்பு பிரிவு விசாரணைக்கு அழைத்துச் சென்றுள்ளதாக கூறப்படுகிறது.

இந்த இலங்கையர்கள் அகமதாபாத் விமான நிலையத்தில் இருப்பதற்கான காரணம் மற்றும் அவர்களின் நோக்கம் தெளிவாக தெரியவில்லை என இந்திய ஊடகங்கள் செய்தி வெளியிட்டுள்ளன.

அகமதாபாத் விமான நிலையத்தில் பாதுகாப்பு பலப்படுத்தப்பட்டுள்ளதாகவும் குறிப்பிடப்பட்டுள்ளது.

அகமதாபாத் விமான நிலையத்தில் நடைபெற்று வரும் ஐபிஎல் போட்டியின் மூன்று அணிகள் வருவதற்கு முன்னதாகவே இந்த கைதுகள் செய்யப்பட்டுள்ளதாகவும் தெரிவிக்கப்பட்டுள்ளது.