மெல்போர்னின் வடமேற்கில் ஒரு வேனில் ஒரு மில்லியன் டாலர்களுக்கும் அதிகமான ரொக்கமும் 30 கிலோ போதைப்பொருள் ஐஸ்களும் பொலிஸாரால் கண்டுபிடிக்கப்பட்டுள்ளன.
கடந்த வியாழன் அன்று, எல் ரெனோ கிரசென்ட்டில் சந்தேகத்திற்கிடமான வாகனம் நிறுத்தப்பட்டதாக கிடைத்த தகவலின் அடிப்படையில் பொலிசார் தேடுதல் ஆணையை நிறைவேற்றினர்.
விற்பனைக்காக தயாரிக்கப்பட்ட கொக்கெய்ன் பதுக்கல், 1.1 மில்லியன் டாலர் பணம் மற்றும் ஐஸ் ஆகியவை வாகனத்தில் மறைத்து வைக்கப்பட்டிருந்தன.
துப்பறியும் கான்ஸ்டபிள் பிராட்லி லாரன்ஸ் இந்த கண்டுபிடிப்பு ஒரு குறிப்பிடத்தக்க ஒன்றாகும் என்றார்.
இவ்வாறான போதைப்பொருட்களை விற்பனை செய்வதற்கு சந்தர்ப்பம் வழங்கப்படுமானால், சமூகத்திற்கு எவ்வளவு கேடு விளையும் என்பதை கற்பனை செய்து பார்க்க முடியாது என அவர் வலியுறுத்தியுள்ளார்.
போதைப்பொருள் கடத்தலில் ஈடுபடும் நபர்களை அடையாளம் கண்டு அவர்களுக்கு எதிராக சட்ட நடவடிக்கை எடுக்க தயாராக இருப்பதாகவும் அவர் குறிப்பிட்டுள்ளார்.
