அவுஸ்திரேலிய கைதிகளின் எண்ணிக்கை 3 வீதத்தால் அதிகரித்துள்ளதாக சமீபத்திய தகவல்கள் தெரிவிக்கின்றன.
புள்ளியியல் பணியகத்தின் சமீபத்திய அறிக்கைகளின்படி, ஜூன் 30 ஆம் தேதியுடன் முடிவடைந்த 12 மாத காலப்பகுதியில் கைதிகளின் எண்ணிக்கை 41,929 ஆக உயர்ந்துள்ளது.
அதன்படி, ஆஸ்திரேலியாவின் மொத்த மக்கள் தொகையில் 100,000 பேருக்கு 201 முதல் 202 கைதிகள் இருப்பதாகக் குறிப்பிடப்பட்டுள்ளது.
பெண் கைதிகளின் எண்ணிக்கையும் கணிசமாக அதிகரித்துள்ளது.
புள்ளியியல் பணியகத்தின் தரவுகளின்படி, ரிமாண்ட் செய்யப்பட்ட கைதிகளின் எண்ணிக்கை 7 சதவீதம் அதிகரித்துள்ளது, அதாவது இந்த எண்ணிக்கை 15937 ஆக பதிவு செய்யப்பட்டுள்ளது. தண்டனை கைதிகளின் எண்ணிக்கை 25888 ஆக அதிகரித்துள்ளது.
தாக்குதல் போன்ற குற்றங்களுக்காக குற்றம் சாட்டப்பட்ட கைதிகளின் எண்ணிக்கை 7 சதவீதமும், பாலியல் வன்கொடுமை குற்றங்களுக்காக சிறையில் அடைக்கப்பட்டவர்களின் எண்ணிக்கை 6 சதவீதமும் அதிகரித்துள்ளது.
எவ்வாறாயினும், சட்டவிரோத போதைப்பொருள் குற்றங்கள் போன்ற குற்றங்களுக்காக சிறைவைக்கப்படுவோரின் எண்ணிக்கையில் வீழ்ச்சி ஏற்பட்டுள்ளமை குறிப்பிடத்தக்கது.
