தற்போது, ஆஸ்திரேலியாவில் பணவீக்கம் மற்றும் அதிக வட்டி விகிதங்கள் காரணமாக, வீட்டுக் கடன் வாங்கிய பல வீட்டு உரிமையாளர்கள் கடும் நெருக்கடியில் உள்ளனர்.
ஆஸ்திரேலிய பத்திரங்கள் மற்றும் முதலீட்டு ஆணையம் அல்லது ASIC இந்த சூழ்நிலையில் சமீபத்திய கணக்கெடுப்பு அறிக்கையை சமர்ப்பித்துள்ளது.
2022-2023 ஆண்டுகளில் வீட்டுக் கடன் பெற்ற வீட்டு உரிமையாளர்கள் பற்றிய தகவல்களை அவர்கள் சேகரித்துள்ளதாகத் தெரிவிக்கப்படுகிறது.
20 வீட்டுக்கடன் வழங்கும் நிறுவனங்களின் தரவுகள் சேர்க்கப்பட்டுள்ளதாக கூறப்படுகிறது.
கடனை செலுத்த முடியாத நிலையில் நிவாரணம் கோரி இரு இலட்சத்து நாற்பத்தைந்தாயிரத்திற்கும் அதிகமான கோரிக்கைகள் வங்கிகளுக்கு வந்துள்ளதாக தெரிவிக்கப்படுகின்றது.
இருப்பினும், சில கடன் வழங்கும் வணிக வங்கிகள் நுகர்வோரின் கோரிக்கைகளுக்கு கவனம் செலுத்துவதில்லை என்று ASIC கூறுகிறது.
வேலையில்லா திண்டாட்டம், குறைந்த ஊதியம் போன்ற காரணங்களால் வீட்டுக்கடனை அடைக்க முடியாமல் மக்கள் திணறி வரும் நிலையில் இந்த ஆண்டு பட்ஜெட்டில் கடன் வாங்கியவர்களுக்கு எதிர்பார்த்த பலன் கிடைக்கவில்லை.
