சிட்னியின் தென்மேற்கு பகுதியில் இடம்பெற்ற கார் விபத்தில் 12 வயது சிறுமி உட்பட இருவர் உயிரிழந்துள்ளனர்.
நேற்றிரவு 7.40 மணியளவில் மில்பேர பகுதியில் இரண்டு கார்கள் மோதியதில் இந்த விபத்து இடம்பெற்றுள்ளதாக தெரிவிக்கப்படுகின்றது.
விபத்தின் பின்னர் கார் ஒன்று கவிழ்ந்து விபத்துக்குள்ளானதில் சிறுமியும் 41 வயதுடைய ஆணும் சம்பவ இடத்திலேயே உயிரிழந்தனர்.
இதில் பின் இருக்கையில் பயணித்த 10 வயது சிறுவனும், 52 வயதுடைய சாரதியும் காயமடைந்து வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது.
மற்றைய காரை ஓட்டிச் சென்ற 19 வயதுடைய இளைஞரும் பரிசோதனைகளுக்காக வைத்தியசாலைக்கு அழைத்துச் செல்லப்பட்டுள்ளதாக பொலிஸார் தெரிவித்தனர்.
சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.
