சிட்னியில் உள்ள குக்ஸ் ஆற்றங்கரையில் பெண்ணொருவர் பிரசவித்ததற்கான ஆதாரங்கள் கிடைத்ததை அடுத்து பொலிஸார் விசேட விசாரணைகளை ஆரம்பித்துள்ளனர்.
நியூ சவுத் வேல்ஸ் காவல்துறையினர் ஆற்றங்கரையில் நஞ்சுக்கொடி மற்றும் தொப்புள் கொடியைக் கண்டுபிடித்ததைத் தொடர்ந்து தாய் மற்றும் குழந்தையைத் தேடத் தொடங்கியுள்ளனர்.
தனது வளர்ப்பு நாயுடன் நடந்து சென்ற நபர் ஒருவர் இந்த பகுதிகளை பார்த்து பொலிசாருக்கு தகவல் கொடுத்துள்ளார்.
நேற்று மாலை 4.30 மணியளவில் கிடைத்த இந்தத் தகவலையடுத்து, இரவு முழுவதும் தீவிர தேடுதல் வேட்டையில் ஈடுபட்ட பொலிசார்.
தாய் மற்றும் குழந்தையின் ஆரோக்கியத்தை பாதுகாப்பதே இந்த அவசர தேடுதலின் நோக்கமாகும் எனவும், தகவல் தெரிந்தவர்கள் பொலிஸாருக்கு அறிவிக்குமாறும் கோரப்பட்டுள்ளது.
இது குறித்து போலீஸ் சூப்பிரண்டு கிறிஸ்டின் மெக்டொனால்ட் கூறுகையில், குழந்தை பிறந்தது ஆற்றங்கரையில் நடந்ததா அல்லது வேறு இடத்தில் நடந்ததா என்பது இன்னும் தெளிவாக தெரியவில்லை.
தாயையும் குழந்தையையும் விரைவில் கண்டுபிடிக்க வேண்டியது மிகவும் அவசரமானது, மேலும் இந்த சம்பவம் குறித்து தெரிந்தவர்கள் மருத்துவமனைக்கு அழைத்துச் செல்லுமாறு காவல்துறையினரும் தெரிவிக்கின்றனர்.
ஆற்றங்கரை உள்ளிட்ட மற்ற பகுதிகளிலும் சோதனை நடத்தப்படும் என்றும், தேவைப்பட்டால் போலீஸ் டைவர்ஸ் வரவழைக்கப்படும் என்றும் காவல்துறை கண்காணிப்பாளர் தெரிவித்தார்.
