பப்புவா நியூ கினியாவின் மலைப் பகுதியில் ஏற்பட்ட நிலச்சரிவில் சுமார் 2000 பேர் உயிரிழந்திருக்கலாம் என சந்தேகிக்கப்படுகிறது.
பாரிய நிலச்சரிவில் சுமார் 2,000 பேர் புதையுண்டிருக்கலாம் என சந்தேகிக்கப்படுவதாகவும், உயிர் பிழைத்தவர்களைக் கண்டறியும் நடவடிக்கைகள் தொடர்ந்தும் மேற்கொள்ளப்பட்டு வருவதாகவும் நாட்டின் தேசிய பேரிடர் மையம் தெரிவித்துள்ளது.
கடந்த வெள்ளிக்கிழமை எங்காவைத் தாக்கிய நிலச்சரிவுகள் மற்றும் சமீபத்திய இறப்பு எண்ணிக்கை முந்தைய மதிப்பீடுகளிலிருந்து கூர்மையான அதிகரிப்பு ஆகும்.
நிலச்சரிவின் போது, சுமார் 100 பேர் இறந்திருக்கலாம் என ஐக்கிய நாடுகள் சபை தெரிவித்துள்ளது.
பின்னர் அது 670 ஆக மாற்றியமைக்கப்பட்டு தற்போது கிடைத்துள்ள புதிய அறிக்கைகளின்படி உயிரிழந்தவர்களின் எண்ணிக்கை 2000ஐ தாண்டியுள்ளதாக தெரிவிக்கப்பட்டுள்ளது.
மண்சரிவினால் 2000 இற்கும் அதிகமானோர் புதையுண்டுள்ளதாகவும் கட்டிடங்கள் அழிந்துள்ளதாகவும் நாட்டின் பொருளாதாரம் பெரிதும் பாதிக்கப்பட்டுள்ளதாகவும் தேசிய அனர்த்த நிலையத்தின் செயல் பணிப்பாளர் ஐக்கிய நாடுகள் சபைக்கு எழுதியுள்ள கடிதத்தில் குறிப்பிட்டுள்ளார்.
நிலச்சரிவு ஏற்பட்ட பகுதியில் நிலவும் உறுதியற்ற தன்மை மீட்புக் குழுவினரின் பணிகளுக்கும் இடையூறாக உள்ளதாக கூறப்படுகிறது.
நிலச்சரிவு காரணமாக அப்பகுதிக்கு செல்லக்கூடிய பிரதான நெடுஞ்சாலையும் நிவாரண சேவைகளை சென்றடைவது முற்றாக தடைப்பட்டுள்ளதாக தெரிவிக்கப்படுகின்றது.
