இன்று முதல், ஆஸ்திரேலிய மாணவர் கடன் பெற்றவர்களுக்கு செலுத்த வேண்டிய தொகை அதிகரிக்கப்பட உள்ளது.
அதன்படி, இன்றைய தினம் உயர்கல்வி கடன்கள் (HECS-HELP) செலுத்தப்படாத எவருக்கும் அவர்களின் கடன் மதிப்பு 4.7 சதவீதம் அதிகரிக்கும்.
கடந்த ஆண்டு, மாணவர் கடன்கள் 7.1 சதவிகிதம் உயர்ந்தன, இது 30 ஆண்டுகளில் மிகப்பெரிய அதிகரிப்பாகும்.
இன்று முதல் நடைமுறைக்கு வரும் இந்த மாற்றங்கள் உயர்கல்வி கடனினால் தவிக்கும் 2.9 மில்லியன் மக்களுக்கு குறிப்பிடத்தக்க தாக்கத்தை ஏற்படுத்தும் என தெரியவந்துள்ளது.
அதாவது, சராசரி ஆஸ்திரேலிய மாணவர் கடனாக $26,494 உள்ள ஒருவர் ஜூன் 1 முதல் $1245 அல்லது அதற்கு மேல் செலுத்த வேண்டும்.
இன்னும் $100,000 அல்லது அதற்கு மேல் திருப்பிச் செலுத்த வேண்டிய மாணவர் கடன் வைத்திருப்பவர்கள் தங்கள் கடன் குறைந்தபட்சம் $4,700 ஆக அதிகரிப்பதைக் காண்பார்கள்.
மாணவர் கடன் வைத்திருப்பவர்களுக்கு நிலைமை மேலும் அழுத்தமாக உள்ளது, கடந்த மாதம் ஃபைண்டர் கணக்கெடுப்பில் 60 சதவீதத்திற்கும் அதிகமான மாணவர்கள் தங்கள் கடனை செலுத்துவதில் அக்கறை கொண்டுள்ளனர்.
இன்று முதல் அமுல்படுத்தப்படவுள்ள இந்த முறைமையினால் கல்விக்கடன் பெற்றவர்கள் மேலும் அசௌகரியங்களுக்கு உள்ளாவதாக நிபுணர்கள் சுட்டிக்காட்டுகின்றனர்.
வரவு செலவுத் திட்டத்தில் முன்மொழியப்பட்டுள்ளபடி 2023ஆம் ஆண்டிலும் இன்றும் இந்தக் கடன்கள் அதிகரித்தாலும், இந்த வருட இறுதியில் நடைமுறைக்கு வரும் சட்டத்தின் மூலம் மாணவர் கடன் பெற்றவர்களுக்கு நிவாரணம் வழங்கப்படும் என்றும் தெரிவிக்கப்பட்டுள்ளது.
