மேற்கு சிட்னியில் உள்ள Whalan குடியிருப்பு வளாகத்தின் இடிபாடுகளில் சிக்கிய பெண்ணை தேடும் பணி நடைபெற்று வருகிறது.
நிலவும் மோசமான வானிலைக்கு மத்தியில் நிவாரணக் குழுவினர் இரவு முழுவதும் தேடுதல் பணியில் ஈடுபட்டுள்ளதாக தெரிவிக்கப்பட்டுள்ளது.
நேற்று மதியம் 1 மணியளவில் இடம்பெற்ற இந்த வெடிப்புச் சம்பவத்தில் காயமடைந்த 60 மற்றும் 70 வயதுடைய இரண்டு பெண்கள் உட்பட 5 பேர் வைத்தியசாலையில் அனுமதிக்கப்பட்டுள்ளனர்.
இந்த வெடிவிபத்தில் இரண்டு மாடி வீடு ஏறக்குறைய முற்றாக சேதமடைந்துள்ளதுடன் அண்டை வீடொன்றும் சேதமடைந்துள்ளதாக தெரிவிக்கப்படுகின்றது.
விபத்து நடந்தபோது வீட்டின் இரண்டாவது மாடியில் இருந்த பெண் பற்றி இதுவரை எந்த தகவலும் இல்லை, அவரைக் கண்டுபிடிக்கும் நடவடிக்கைகள் இன்னும் நடந்து வருகின்றன.
நேற்றிரவு இடிபாடுகளில் இருந்து தட்டும் சத்தம் கேட்டதாகவும், ஆனால் தற்போது அந்த சத்தம் கேட்கவில்லை என்றும் நிவாரண குழுவினர் தெரிவித்தனர்.
வெடிப்புக்கான காரணம் இன்னும் கண்டறியப்படவில்லை, ஆனால் நியூ சவுத் வேல்ஸ் போலீசார் வாயு கசிவு என்று சந்தேகிக்கின்றனர்.
