நியூ சவுத் வேல்ஸில் உள்ள சிட்னி உள்ளிட்ட பல பகுதிகளில் நாளை முதல் மழை பெய்யும் என்று கணிக்கப்பட்டுள்ளது.
கடந்த வார இறுதியில் பெய்த கனமழை மற்றும் வெள்ளத்திற்குப் பிறகு, இன்று பெரும்பாலும் மழையின்றி உள்ளது மற்றும் நாளை முதல் அதிக மழை எதிர்பார்க்கப்படுகிறது.
சிட்னி நகரம் மற்றும் அதனை சுற்றியுள்ள பகுதிகளில் சனி மற்றும் ஞாயிற்றுக்கிழமைகளில் பெய்த மழை சுமார் ஒரு மாதத்தில் பெய்த மழைக்கு சமமாக இருந்தது தெரியவந்தது.
நாளை காலை முதல் வார இறுதி வரை சிட்னி மற்றும் நியூ சவுத் வேல்ஸ் பகுதிகளில் மழை பெய்யும் என வானிலை ஆய்வு மையம் கணித்துள்ளது.
நியூ சவுத் வேல்ஸ் கடற்கரையில் குறைந்த காற்றழுத்த தாழ்வு நிலை உருவாகி, சிட்னி பெருநகரப் பகுதி உள்ளிட்ட கடலோரப் பகுதிகளில் மிதமான மழை பெய்து வருகிறது.
நியூ சவுத் வேல்ஸ் மற்றும் விக்டோரியாவின் கிழக்குப் பகுதிகளில் வியாழன் முதல் கனமழை பெய்யும் என்று எதிர்பார்க்கப்படுகிறது.
வியாழன் அன்று சிட்னியில் 90 சதவீதம் மழை பெய்ய வாய்ப்புள்ளது, அதிகபட்சமாக 30மிமீ வரை மழை பெய்யக்கூடும்.
