விக்டோரியா மாநிலத்தில் உள்ள மற்றொரு கோழிப்பண்ணை பறவைக் காய்ச்சல் பாதிப்பு காரணமாக தனிமைப்படுத்தப்பட்டுள்ளது.
ஃபார்ம் பிரைட் ஃபுட்ஸ் வெளியிட்ட சோதனை முடிவுகளின்படி, கோல்டன் ப்ளைன்ஸ் ஷையரில் உள்ள பண்ணையில் இருந்து வைரஸ் அடையாளம் காணப்பட்டுள்ளது.
இது மெரிடித்தில் உள்ள முட்டை பண்ணையில் கண்டுபிடிக்கப்பட்ட வைரஸ் என்றும் உறுதி செய்யப்பட்டுள்ளது.
வைரஸ் கண்டறியப்பட்ட இடத்தில் சுமார் 80,000 கோழிகள் உள்ளன, இது பண்ணையின் மொத்த திறனில் எட்டு சதவீதமாகும்.
மேலும், அந்த பகுதியில் சுமார் 40,000 கோழிகள் உள்ள மற்றொரு பண்ணையில் இருந்து மாதிரிகள் எடுக்கப்பட்டு பரிசோதனை செய்யப்பட்டு வருகிறது.
வைரஸ் கண்டறியப்பட்ட பண்ணை தனிமைப்படுத்தப்பட்டு அனைத்து கோழிகளும் பாதுகாப்பாக அப்புறப்படுத்தப்பட்டுள்ளதாக விக்டோரியாவின் விவசாயத் துறை உறுதிப்படுத்தியுள்ளது.
முன்னதாக, மெரிடித் மற்றும் டெராங்கில் உள்ள இரண்டு கோழிப் பண்ணைகளிலும் பறவைக் காய்ச்சல் பாதிப்பு இருப்பது கண்டறியப்பட்டது.
பறவைக் காய்ச்சல் என்பது ஒரு தொற்று வைரஸ் நோயாகும், இது உலகெங்கிலும் உள்ள பல முக்கிய விலங்கு இனங்களின் மரணத்தை ஏற்படுத்தியது.
அண்மையில் இந்தியாவில் இருந்து இந்நாட்டிற்கு வந்த குழந்தை ஒன்று பறவைக் காய்ச்சல் நோயினால் பாதிக்கப்பட்டிருந்த நிலையில் தற்போது அவர் குணமடைந்துள்ளதாக தெரிவிக்கப்பட்டுள்ளது.
தற்போது உலகளாவிய ரீதியில் பரவி வரும் பறவைக் காய்ச்சல் நோய் ஒருவரிடமிருந்து நபருக்கு இலகுவாகப் பரவக்கூடியது என்பதற்கான ஆதாரங்கள் எதுவும் இல்லை என்றும் விக்டோரியா சுகாதாரத் துறை தெரிவித்துள்ளது.
