Tasmania மாநிலத்தில் 4 வயது குழந்தை மர்மமான முறையில் உயிரிழந்த சம்பவம் தொடர்பில் சந்தேக நபர் ஒருவர் கைது செய்யப்பட்டுள்ளார்.
ஆபத்தான நிலையில் இருந்த குழந்தை மே 31ஆம் தேதி டாஸ்மேனியா மருத்துவமனையில் அனுமதிக்கப்பட்டு பின்னர் உயிரிழந்ததாகத் தெரிவிக்கப்படுகிறது.
இந்த மரணத்தில் சந்தேகம் இருப்பதாக வைத்தியசாலை ஊழியர்கள் பொலிஸாருக்கு அறிவித்ததையடுத்து பொலிஸார் விசாரணைகளை ஆரம்பித்துள்ளனர்.
விசாரணைகளின்படி, இது தொடர்பாக தஸ்மேனியாவில் வசிக்கும் 35 வயதுடைய நபர் மீது குற்றம் சுமத்தப்பட்டுள்ளதுடன், சம்பவம் தொடர்பில் 30 வயதுடைய பெண் ஒருவருக்கும் எதிராக குற்றம் சுமத்தப்பட்டுள்ளது.
குழந்தையை கொடூரமாக தாக்கியதன் விளைவாகவே இக்கொலை இடம்பெற்றுள்ளதுடன், சந்தேகநபர்கள் நீதிமன்றில் முன்னிலைப்படுத்தப்பட்டுள்ளனர்.
சந்தேகநபரான தம்பதியினர் குழந்தையை சிறுவயதிலிருந்தே நன்கு அறிந்தவர்கள் என தஸ்மேனியா பொலிஸாரால் இன்று வெளியிடப்பட்ட அறிக்கையில் குறிப்பிடப்பட்டுள்ளது.
சம்பவம் தொடர்பில் மேலதிக விசாரணைகள் இடம்பெற்று வருகின்றன.
