கோல்ஸ் பல்பொருள் அங்காடி சங்கிலியானது ஆஸ்திரேலியர்களுக்கு முட்டைகளை தற்காலிகமாக வாங்கும் வரம்பை அறிவித்துள்ளது.
விக்டோரியா மாகாணத்தில் உள்ள பல முட்டை பண்ணைகளில் பறவை வைரஸ் பரவி வருவதால் கோல்ஸ் சூப்பர் மார்க்கெட் சங்கிலித் தொடர் முட்டைகளுக்கு தட்டுப்பாடு ஏற்பட்டுள்ளதாக தெரிவிக்கப்பட்டுள்ளது.
இந்நிலையில் சப்ளை செயின் ஸ்தம்பித்துள்ளதால், நாடு முழுவதும் உள்ள தனது கடைகளில் முட்டை வாங்குவதற்கு வரம்பு விதிக்க அந்நிறுவனம் முடிவு செய்துள்ளது.
மேற்கு ஆஸ்திரேலியாவைத் தவிர அனைத்து மாநிலங்களிலும், நுகர்வோர் வாங்கக்கூடிய முட்டைகளின் அளவு இரண்டு அட்டைப்பெட்டிகளுக்கு மட்டுமே.
கோல்ஸ் பல்பொருள் அங்காடி சங்கிலி தனது கடைகளுக்கு வருகை தரும் அனைத்து வாடிக்கையாளர்களும் முட்டைகளைப் பெறுவதை உறுதிசெய்ய தற்காலிக கட்டுப்பாடு விதிக்கப்பட்டுள்ளதாக அறிவித்தது.
இதேவேளை, அடுத்த சில வாரங்களில் ஒரு அட்டைப்பெட்டி முட்டையின் விலை மூன்று மடங்காக அதிகரிக்கலாம் என முட்டை விநியோகஸ்தர்கள் தெரிவித்துள்ளனர்.
