இத்தாலியின் ரோம் நகரில் பணிபுரியும் இலங்கைப் பெண் ஒருவரை கடந்த 26ம் திகதி கத்தியால் குத்தி பலத்த காயப்படுத்திய கணவரின் சடலம் அவர்கள் வசித்த வீட்டின் கற்றைகளில் தூக்கில் தொங்கிய நிலையில் சடலமாக மீட்கப்பட்டதாக உள்ளூர் ஊடகங்கள் தெரிவிக்கின்றன.
குடும்பத் தகராறு காரணமாக கணவன் மனைவியை பலமுறை கத்தியால் குத்தியதாகவும், பின்னர் அவர் தூக்கிட்டு தற்கொலை செய்து கொண்டதாகவும் இத்தாலி கரீபியன் பொலிஸார் மேற்கொண்ட விசாரணைகளில் தெரியவந்துள்ளது.
வாள்வெட்டுக்கு இலக்கான பெண் வைத்தியசாலையில் சிகிச்சை பெற்று வருவதுடன் இலங்கையை சேர்ந்த கணவனும் மனைவியும் சில காலமாக இத்தாலியில் பணிபுரிந்து வருவதுடன் அவர்களுக்கு இரண்டு பிள்ளைகளும் உள்ளனர்.
கணவனால் தாக்கப்பட்ட பெண் காயங்களுடன் மருத்துவ உதவிக்காக அலறியடித்துக்கொண்டு வீதியில் ஓடுவதைக் கண்ட இத்தாலியர்கள் குழு உடனடியாக நடவடிக்கை எடுத்து, அந்நாட்டு 118 ஆம்புலன்ஸ் சேவை மூலம் அவரை மருத்துவமனைக்கு அழைத்துச் சென்றதாக கூறப்படுகிறது.
சம்பவம் தொடர்பான மேலதிக விசாரணைகளை இத்தாலிய கரீபியன் பொலிஸார் மேற்கொண்டு வருகின்றனர் .
