பரீட்சை மண்டபத்தின் தளவமைப்பு மற்றும் இடம் ஆகியவை பரீட்சை முடிவுகளுக்கான விண்ணப்பதாரர்களை பாதிக்கிறது என்று சமீபத்திய ஆய்வு கண்டறிந்துள்ளது.
தெற்கு அவுஸ்திரேலியா பல்கலைக்கழகமும், டீக்கின் பல்கலைக்கழகமும் இணைந்து இந்த ஆய்வை மேற்கொண்டுள்ளதுடன், பரீட்சைகள் நடைபெறும் 3 பல்கலைக்கழக வளாகங்கள் இதற்காக பயன்படுத்தப்பட்டதாகத் தெரிவிக்கப்படுகிறது.
2011 மற்றும் 2019 க்கு இடையில் 15400 இளங்கலை மாணவர்களின் பங்களிப்புடன் இந்த ஆய்வு நடத்தப்பட்டதாகக் குறிப்பிடப்படுகிறது.
மேற்கூரையின் உயரம் மற்றும் பரீட்சைக்கு தோற்றிய மண்டபத்தில் உள்ள இடம் காரணமாக மாணவர்களின் பரீட்சை பெறுபேறுகள் பாதிக்கப்பட்டுள்ளதாக தெரியவந்துள்ளது.
உயர் கூரையுடன் கூடிய அறைகளில் தேர்வெழுதிய மாணவர்கள் எதிர்பார்த்ததை விட குறைவான மதிப்பெண்கள் பெற்றதாக ஆராய்ச்சி உறுதி செய்துள்ளது.
மாணவர்களின் வயது, பாலினம் மற்றும் அவர்கள் தேர்வெழுதிய நேரம் போன்ற காரணிகளையும் ஆராய்ச்சியாளர்கள் ஆய்வு செய்துள்ளனர், மேலும் வகுப்பறை இடமும் அவர்களின் முடிவுகளில் சில தாக்கத்தை ஏற்படுத்துவதாக கூறப்படுகிறது.
பல்கலைக்கழகங்களில் அதிக இடவசதி உள்ள ஜிம்னாசியம், ஷோரூம்கள், தியேட்டர்கள் போன்ற இடங்களில் எழுத்துத் தேர்வுகளை நடத்துவது பொருத்தமற்றது என்று ஆய்வாளர்கள் கருத்து தெரிவித்துள்ளனர்.
இது ஒரு சோதனை ஆய்வு என்பதால், உலகளாவிய பரிந்துரைகளோ அல்லது உண்மைகளை உறுதிப்படுத்தவோ இதுவரை செய்யப்படவில்லை.
