பிரித்தானிய பாராளுமன்றத்திற்கு இலங்கை வம்சாவளியை சேர்ந்த உமா குமரன் தெரிவு செய்யப்பட்டுள்ளார்.
இதன்படி, அவர் ஸ்ட்ராட்போர்ட் மற்றும் போ தொகுதியின் முதல் உறுப்பினராகத் தெரிவு செய்யப்பட்டுள்ளார் என தெரிவிக்கப்பட்டுள்ளது.
14 ஆண்டுகளுக்குப் பிறகு, அவர் பிரிட்டனில் பொதுத் தேர்தலில் வெற்றி பெற்ற தொழிலாளர் கட்சியில் இருந்து போட்டியிட்டு 19145 வாக்குகள் பெற்று தேர்ந்தெடுக்கப்பட்டுள்ளார்.
அண்மையில் ஊடகங்களுக்கு கருத்து தெரிவித்த உமா குமரன், தான் கிழக்கு லண்டனில் பிறந்ததாகவும், இலங்கையில் யுத்தம் இடம்பெற்ற காலத்தில் தனது பெற்றோர் இங்கிலாந்துக்கு வந்ததாகவும் தெரிவித்திருந்தார்.
உண்மையான புகலிடக் கோரிக்கையைக் கொண்ட ஐக்கிய இராச்சியத்தில் உள்ள தமிழ் மக்கள் மீண்டும் ஆபத்தில் இருக்க அனுமதிக்கப்பட மாட்டோம் என்றும் அவர் குறிப்பிட்டுள்ளார்.
உமா குமரன் குயின் மேரி பல்கலைக்கழகத்தில் படித்தவர் மற்றும் பிரிட்டனில் தேசிய சுகாதார சேவையில் பணியாற்றியுள்ளார்.
லண்டன் மேயர் சாதிக் கானுக்காக அரசியல் நடவடிக்கைகளில் ஈடுபட்டு வந்த அவர், காலநிலை மாற்ற அமைப்பில் மக்கள் தொடர்பு அதிகாரியாகவும் பணியாற்றியுள்ளதாக கூறப்படுகிறது.
உமா குமரன், தொழிலாளர் உரிமைகள் பற்றிய எண்ணம் தனது குடும்பத்தில் இருந்து வந்தது என்றும், யாழ்ப்பாணத்தின் முதல் தொழிற்சங்க செயற்பாட்டாளர்களில் தனது தாத்தாவும் ஒருவர் என்றும் கூறியுள்ளார்.
தனது குடும்ப உறுப்பினர்கள் லண்டன், அவுஸ்திரேலியா, அமெரிக்கா என பல நாடுகளில் சிதறிக் கிடப்பதாகவும், யுத்த மோதல்களினால் குடும்பம் இவ்வாறு சிதறிக் கிடப்பது வருத்தமளிப்பதாகவும் கூறுகிறார்.
