விக்டோரியாவின் பாரெட்டில் இருந்து ஒரு மாதத்திற்கும் மேலாக காணாமல் போன பெண்ணைக் கண்டுபிடிப்பதற்கு பொதுமக்களின் உதவியை பொலிஸார் கோரியுள்ளனர்.
கடந்த மே மாதம் 30ஆம் திகதி மதியம் 1.25 மணியளவில் ரெனி என்ற 42 வயதுடைய பெண் வீட்டை விட்டு வெளியேறியதாகக் கூறப்படுகிறது.
செல்லும்போது கறுப்பு பூனையை உடன் அழைத்துச் சென்றதாக கூறப்படுகிறது.
ஜூன் 2 ஆம் தேதி காலை 6 மணியளவில், லூகாஸ் பகுதியில் உள்ள ஒரு வீட்டின் கதவைத் தட்டி, பூனையை அந்த வீட்டிற்கு வெளியே விட்டுச் சென்ற பெண் கண்டுபிடிக்கப்பட்டார்.
மேலும், குறித்த வீட்டிலிருந்து அவள் அப்போது உடைகள் மற்றும் தண்ணீரையும் கேட்டதாக வீட்டின் உரிமையாளர்கள் பொலிஸாரிடம் தெரிவித்துள்ளனர்.
42 வயதுடைய பெண் நீண்ட நாட்களாக காணாமல் போனதால் அவரது குடும்ப உறுப்பினர்களும் மிகவும் கவலையடைந்துள்ளதாக தெரிவிக்கப்படுகின்றது.
இந்த காணாமல் போனமை தொடர்பில் சந்தேகத்திற்கிடமான சூழ்நிலைகள் எதுவும் இதுவரை வெளியாகவில்லை என்பதுடன், குறித்த பெண் வேண்டுமென்றே மக்களைத் தவிர்க்க முயற்சிப்பதாக நம்பப்படுகிறது.
மேலும், ஒரு மாதத்திற்கும் மேலாக இந்தப் பெண்ணின் வங்கிக் கணக்குகளில் இருந்து எந்தப் பணப் பரிமாற்றமும் மேற்கொள்ளப்படவில்லை என்பதும் காவல்துறையின் கவனத்துக்குக் கொண்டுவரப்பட்டுள்ளது.
