மெல்போர்னில் வாகனம் திருடப்பட்ட வழக்கில் ஐந்து சிறுமிகள் கைது செய்யப்பட்டுள்ளனர்.
இரவு நேரத்தில் நிறுத்தி வைக்கப்பட்டிருந்த காரை திருடிய சந்தேகத்தின் பேரில் குறித்த ஐந்து சிறுமிகளும் கைது செய்யப்பட்டுள்ளதாக தெரிவிக்கப்படுகின்றது.
நேற்று நள்ளிரவு 12.30 மணியளவில் ட்ராய் வீதியில் இந்த கடத்தல் இடம்பெற்றுள்ளதாகவும், வாகன சாரதியும் சம்பவம் தொடர்பில் அதிர்ச்சியடைந்துள்ளதாகவும் தெரிவிக்கப்படுகின்றது.
காரை திருடுவதற்கு முன், இளம்பெண்கள் குழு இ-ஸ்கூட்டர்களில் சுற்றித் திரிந்தது தெரியவந்துள்ளது.
கார் திருடப்பட்ட இடத்திலிருந்து சுமார் 9 கிலோமீற்றர் தொலைவிலுள்ள பகுதியில் வைத்து பொலிஸாரால் கைது செய்யப்பட்டுள்ளதுடன் அவர்கள் 13 மற்றும் 14 வயதுடையவர்கள் என அடையாளம் காணப்பட்டுள்ளனர்.
இச்சம்பவம் தொடர்பில் விக்டோரியா பொலிஸார் விசாரணைகளை ஆரம்பித்துள்ளதாகவும், நேற்றைய தினம் மாநிலத்தில் இளைஞர் குற்றங்களுக்கு எதிரான போராட்டம் தொடர்பிலான விசேட கலந்துரையாடல் சட்டமா அதிபர் ஜாக்குலின் சைம்ஸ் தலைமையில் இடம்பெற்றுள்ளதாகவும் தெரிவிக்கப்படுகின்றது.
