தெற்கு ஆஸ்திரேலியாவில் உள்ள அடிலெய்டு நகருக்கு அருகில் புதிய பிளாஸ்டிக் மறுசுழற்சி மையம் அமைக்க திட்டமிடப்பட்டுள்ளது.
பல பகுதிகளில் நடைமுறைப்படுத்தப்பட்ட ரெட் சைக்கிள் திட்டம் வீழ்ச்சியடைந்து இரண்டு ஆண்டுகளுக்குப் பிறகு, 20 மில்லியன் டாலர் முதலீட்டில் நவீன பிளாஸ்டிக் மறுசுழற்சி மையம் கட்ட நடவடிக்கை எடுக்கப்பட்டுள்ளது.
இதில் மத்திய அரசு பணத்தை முதலீடு செய்து, ஆண்டுதோறும் சேகரமாகும் 14,000 டன் கழிவுகளை மீண்டும் பயன்படுத்த இலக்கு நிர்ணயிக்கப்பட்டுள்ளது.
இது ஆஸ்திரேலியாவின் மிகப்பெரிய மறுசுழற்சி வசதி என்றும், ஷாப்பிங் பைகள், சிப்ஸ் பாக்கெட்டுகள் மற்றும் உணவுப் பொதிகள் உள்ளிட்ட மென்மையான பிளாஸ்டிக்குகளை மீண்டும் பயன்படுத்தக்கூடிய பேக்கேஜிங்காக மாற்றும் என்றும் கூறப்படுகிறது.
இந்தத் திட்டமானது தெற்கு ஆஸ்திரேலியாவில் 600க்கும் மேற்பட்ட வேலைகள் உட்பட ஆஸ்திரேலியா முழுவதும் 3,000க்கும் மேற்பட்ட வேலைகளை உருவாக்கும் என்று கூறப்படுகிறது.
அதன் வருடாந்திர மறுசுழற்சி திறனை ஒரு மில்லியன் டன்களுக்கும் அதிகமான மென்மையான பிளாஸ்டிக்காக அதிகரிக்கவும் அதிகாரிகள் திட்டமிட்டுள்ளனர்.
