அமெரிக்க அதிபர் ஜோ பிடனுக்கு கோவிட்-19 தொற்று ஏற்பட்டுள்ளதாக வெள்ளை மாளிகை அதிகாரப்பூர்வமாக அறிவித்துள்ளது.
அவர் தற்போது சுய தனிமைப்படுத்தலில் உள்ளதாகவும், நோய்க்கு தேவையான சிகிச்சை பெற்று வருவதாகவும் அந்த அறிவிப்பில் கூறப்பட்டுள்ளது.
பிடனின் மருத்துவர் கெவின் ஓ’கானர், ஜனாதிபதிக்கு மூக்கு ஒழுகுதல் மற்றும் இருமல் உள்ளிட்ட சுவாச அறிகுறிகள் இருப்பதாகக் கூறியுள்ளார்.
அதன்படி அவருக்கு முதல் மருந்தாக பாக்ஸ்லோவிட் கொடுக்கப்பட்டதாக மருத்துவர் குறிப்பிட்டுள்ளார்.
அமெரிக்க நோய் கட்டுப்பாடு மற்றும் தடுப்பு வழிகாட்டுதல்களின்படி ஜனாதிபதி வீட்டில் சுயமாக தனிமைப்படுத்திக் கொள்கிறார் என்று ஜனாதிபதியின் மருத்துவர் கூறினார்.
எவ்வாறாயினும், அந்த நேரத்தில் அவரது அனைத்து கடமைகளும் முழுமையாக நிறைவேற்றப்படும் என்றும் வெள்ளை மாளிகை தெரிவித்துள்ளது.
அமெரிக்க ஜனாதிபதி கடைசியாக கோவிட்-19 நோயால் பாதிக்கப்பட்டது ஆகஸ்ட் 2022 இல் இருந்தது.
