மெல்போர்னின் நோபல் பார்க் நார்த் பகுதியில் கடைகள் அமைந்துள்ள கட்டிடத்தின் மீது கார் மோதியதால் பல கடைகள் தீப்பிடித்து எரிந்தன.
மூன்று கடைகளுக்கு தீ பரவியுள்ளதுடன் இரண்டு கார்களும் எரிந்து நாசமாகியுள்ளதாக பொலிஸார் தெரிவித்தனர்.
இன்று அதிகாலை 2 மணியளவில் குறித்த தீ விபத்து தொடர்பில் கிடைத்த தகவலின் பிரகாரம் அவசர சேவை பிரிவினர் அங்கு வந்து 30 நிமிடங்களுக்குள் தீயை கட்டுப்படுத்தியுள்ளனர்.
இந்தக் கடைகளுக்கு வேண்டுமென்றே கார் ஓட்டிச் சென்று தீ வைத்து எரிக்கப்பட்டிருக்கலாம் என போலீஸார் சந்தேகிக்கின்றனர்.
கட்டிடத்திற்குள் செலுத்தப்பட்ட கார் வியாழக்கிழமை இரவு திருடப்பட்டுள்ளதாக பொலிஸார் தெரிவித்தனர்.
சம்பவம் தொடர்பில் இதுவரை சந்தேகநபர்கள் எவரும் அடையாளம் காணப்படவில்லை என்பதுடன் பொலிசார் விசாரணைகளை மேற்கொண்டு வருகின்றனர்.
