நியூ சவுத் வேல்ஸில் உள்ள மில்லியன் கணக்கான குத்தகைதாரர்களுக்கு நிவாரணம் வழங்க மாநில அரசு நடவடிக்கை எடுத்துள்ளது.
அதன்படி, குத்தகைதாரர்கள் வேறு வீட்டிற்கு மாறும்போது, அவர்கள் இருந்த வீட்டிற்கு டெபாசிட் செய்யப்பட்ட பணத்தை புதிய சொத்துக்கு மாற்ற முடியும் என்று மாநில அரசு இன்று அறிவித்துள்ளது.
இந்த மாற்றங்கள் பழைய வீட்டிற்கான வைப்புத்தொகையைப் பெறுவதற்கு முன்னர் புதிய வீட்டிற்கான வைப்புத்தொகையை செலுத்த வேண்டிய பிரச்சினைக்கு தீர்வு காணும் என அரசாங்க அதிகாரிகள் சுட்டிக்காட்டுகின்றனர்.
ஆஸ்திரேலியாவில் முதன்முறையாக அறிமுகப்படுத்தப்படும் இந்த போர்ட்டபிள் ரெண்டல் பாண்ட் திட்டத்திற்காக நியூ சவுத் வேல்ஸ் மாநில அரசு 6.6 மில்லியன் டாலர்களை முதலீடு செய்யும் என்று குறிப்பிடப்பட்டுள்ளது.
அடுத்த ஆண்டு தொடக்கத்தில் இந்த நடவடிக்கையை அமல்படுத்த இலக்கு நிர்ணயித்துள்ளதாக பிரதமர் கிறிஸ் மின்ன்ஸ் தெரிவித்துள்ளார்.
அதிக வாடகை விலைகள், வீட்டுத் தட்டுப்பாடு மற்றும் அதிகரித்து வரும் பணவீக்கம் ஆகியவற்றின் மத்தியில் வாழ்க்கைச் செலவில் நிவாரணம் வழங்கும் நோக்கில் இந்த நடவடிக்கை எடுக்கப்பட்டுள்ளதாகவும் பிரதமர் குறிப்பிட்டுள்ளார்.
குத்தகைதாரர்களின் உரிமைகளைப் பாதுகாப்பதாக உறுதியளிக்கப்பட்ட சீர்திருத்தங்களின் கீழ், நில உரிமையாளர்கள் நியாயமான காரணமின்றி குத்தகைதாரர்களை வெளியேற்றுவது தடைசெய்யப்படும் என்று அவர் நேற்று மாநில மாநில தொழிலாளர் மாநாட்டில் அறிவித்தார்.
