ஆஸ்திரேலியாவின் ரெக்ஸ் ஏர்லைன்ஸ் தன்னார்வ நிர்வாகத்திற்கு செல்வதால், நாட்டின் முக்கிய விமான நிலையங்களுக்கு இடையிலான அனைத்து விமானங்களும் ரத்து செய்யப்பட்டுள்ளன.
முக்கிய நகரங்களுக்கிடையேயான விமான சேவைகளை விமான நிறுவனம் ரத்து செய்ததையடுத்து, ஆயிரக்கணக்கான பயணிகள் புதிய விமானங்களை கண்டுபிடிக்க முடியாமல் தவித்து வருவதாக கூறப்படுகிறது.
எவ்வாறாயினும், ரெக்ஸின் பிராந்திய விமானங்கள் வழமையாக இயங்குகின்றன, மேலும் தலைநகரங்களுக்கு இடையில் பயணிக்கும் பயணிகளுக்கு மாற்று விமானங்களை வழங்க மற்றொரு விமான நிறுவனம் நடவடிக்கை எடுத்துள்ளது.
இன்று காலை நிலவரப்படி 4600 ரெக்ஸ் வாடிக்கையாளர்கள் ஏஜென்சியை தொடர்பு கொண்டதாகவும், அவர்களில் 500 பேர் ஏற்கனவே புதிய விமானங்களில் இருக்கைகளை முன்பதிவு செய்துள்ளதாகவும் விர்ஜின் ஆஸ்திரேலியா தெரிவித்துள்ளது.
ரத்து செய்யப்பட்ட ரெக்ஸ் விமானங்களில் டிக்கெட் வைத்திருக்கும் வாடிக்கையாளர்கள் விர்ஜின் ஏர்லைன்ஸுக்கு இலவசமாக மாற்றும் வாய்ப்பும் வழங்கப்பட்டுள்ளது.
சுமார் 2000 ஊழியர்கள் பணிபுரியும் ரெக்ஸ் நிறுவனத்தில் 610 ஊழியர்கள் தன்னார்வ நிர்வாகத்துக்குச் சென்றதால் வேலை இழக்க நேரிடும் என்றும் குறிப்பிடப்பட்டுள்ளது.
அந்த ஊழியர்களுக்கு விர்ஜின் மூலம் அவர்களது விமான நிறுவனத்தின் இணையதளம் மூலம் திறந்த பதவிகளுக்கு விண்ணப்பிக்க வாய்ப்பு வழங்கப்பட்டுள்ளதாகவும் தெரிவிக்கப்பட்டுள்ளது.
