மெல்போர்னின் பர்ன்சைட் ஹைட்ஸ் பகுதியில் காரில் பயணித்த நபர் ஒருவர் சுட்டுக் கொல்லப்பட்ட சம்பவம் தொடர்பில் பொலிஸார் விசாரணைகளை ஆரம்பித்துள்ளனர்.
துப்பாக்கிச் சூட்டுக்கு இலக்காகி படுகாயமடைந்த நபர் ஒருவர் காருக்குள் இருப்பதாக நேற்று இரவு 9.10 மணியளவில் கிடைத்த தகவலுக்கு அமைய பொலிஸார் விசாரணைகளை ஆரம்பித்துள்ளனர்.
துப்பாக்கிச் சூட்டில் 34 வயதுடைய நபரே உயிரிழந்துள்ளதாக பொலிஸார் தெரிவித்தனர்.
துப்பாக்கிச் சூடு நடத்திய சந்தேக நபர், காரில் இருந்த நபரை கால் நடையாக நெருங்கி, துப்பாக்கிச் சூடு நடத்திவிட்டு காரில் தப்பிச் சென்றதாக நேரில் பார்த்த ஒருவர் தெரிவித்துள்ளார்.
இந்த மரணம் தொடர்பான விசாரணைகள் இன்று இடம்பெறும் எனவும் மேலதிக விசாரணைகளை மேற்கொண்டு வருவதாகவும் விக்டோரியா பொலிஸார் அறிவித்துள்ளனர்.
கரோலின் ஸ்பிரிங்ஸ் ஷாப்பிங் சென்டருக்கு அருகே ஒரு இளைஞன் கத்தியால் குத்தப்பட்டதில் பலத்த காயமடைந்த ஒரு நாளுக்குப் பிறகு துப்பாக்கிச் சூடு நடந்துள்ளது.
சம்பவத்தில் படுகாயமடைந்த இளைஞன் மெல்பேர்ன் வைத்தியசாலைக்கு கொண்டு செல்லப்பட்டதுடன் பொலிஸார் வருவதற்குள் சந்தேகநபர்கள் அங்கிருந்து தப்பிச் சென்றுள்ளனர்.
