சாதாரண அளவை விட மூன்று மடங்கு அதிகமாக மது அருந்தி வாகனத்தை ஓட்டி பல வாகனங்களுக்கு விபத்தை ஏற்படுத்தியதற்காக சிட்னி சாரதி ஒருவர் பொலிஸ் காவலில் வைக்கப்பட்டுள்ளார்.
சந்தேகநபர் ஓட்டிச் சென்ற கார் மேலும் இரு வாகனங்களுடன் மோதியதை அடுத்து, குறித்த நபர் சட்டத்திற்குப் புறம்பாக மது அருந்தியதை விட மூன்று மடங்கு அதிகமாக மது அருந்தியுள்ளதாக பொலிஸ் விசாரணையில் தெரியவந்துள்ளது.
இந்த விபத்து இன்று அதிகாலை 12.15 மணியளவில் Peakhurst பகுதியில் இடம்பெற்றுள்ளது.
விபத்தில் காயமடைந்தவர்கள் வைத்தியசாலைக்கு கொண்டு செல்லப்பட்டதாகவும், வைத்தியசாலைக்கு எடுத்துச் செல்லப்படுவதற்கு முன்னர் வாகனங்களில் பயணித்த அனைவரும் சிறு காயங்களுக்கு இடத்திலேயே சிகிச்சை பெற்றதாகவும் அம்புலன்ஸ் ஊழியர்கள் தெரிவித்தனர்.
இந்த சம்பவம் தொடர்பில் 66 வயதுடைய நபர் ஒருவர் கைது செய்யப்பட்டுள்ளார்.
கவனக்குறைவாக வாகனம் செலுத்தியமை மற்றும் மதுபோதையில் வாகனம் செலுத்தியமை தொடர்பில் இந்த நபர் மீது குற்றம் சுமத்தப்பட்ட நிலையில், பிணை வழங்க நீதிமன்றம் மறுத்துள்ளது.
