நியூ சவுத் வேல்ஸ் பொலிசார் சிட்னி முழுவதும் ஒரு நடவடிக்கையில் பல்வேறு பொது போக்குவரத்து குற்றங்களில் ஈடுபட்ட 227 க்கும் மேற்பட்டவர்களை கைது செய்துள்ளனர்.
இவர்கள் மீது 400க்கும் மேற்பட்ட குற்றச்சாட்டுகள் பதிவு செய்யப்பட்டுள்ளதாக போலீசார் தெரிவித்தனர்.
பரமட்டா, கிங்ஸ்வூட், பென்ரித், வின்ஸ்டன் ஹில்ஸ், போண்டி சந்தி மற்றும் சர்ரி ஹில்ஸ் ஆகிய இடங்களில் இந்த கைதுகள் இடம்பெற்றுள்ளன.
தாக்குதல், கொள்ளை மற்றும் பாலியல் வன்கொடுமை உள்ளிட்ட கடுமையான குற்றங்களில் ஈடுபட்ட குற்றவாளிகள் இந்த நடவடிக்கையின் இலக்கு என்று கூறப்படுகிறது.
கடந்த மாதம் தொடங்கிய இந்த சிறப்பு நடவடிக்கையில் 200க்கும் மேற்பட்ட அதிகாரிகள் ஈடுபடுத்தப்பட்டுள்ளனர் மற்றும் பல்வேறு தேடுதல் வாரண்டுகள் மற்றும் துப்பாக்கி தொடர்பான சோதனைகள் நகரம் முழுவதும் மேற்கொள்ளப்பட்டன.
இந்த விசேட பொலிஸ் நடவடிக்கையின் போது குடும்ப வன்முறை, போதைப்பொருள் மற்றும் ஆயுதம் தொடர்பான குற்றச்சாட்டுகள், கத்திகள், வெடிமருந்துகள் மற்றும் சட்டவிரோத போதைப்பொருட்கள் கைப்பற்றப்பட்டதாக பொலிஸார் தெரிவித்தனர்.
உதவி ஆணையர் ஸ்டீபன் ஹெகார்டி, இந்த நடவடிக்கை தொடரும் என்றும், பொதுப் போக்குவரத்து வலையமைப்பில் குற்றங்களைத் தடுக்க காவல்துறையின் முழுப் பலமும் பயன்படுத்தப்படும் என்றும் கூறினார்.
