குடும்ப வன்முறையால் உயிரிழப்பவரின் பணி ஓய்வுப் பலன்கள் வேறு யாருக்கும் வழங்கப்படக் கூடாது என யோசனை முன்வைக்கப்பட்டுள்ளது.
அசோசியேஷன் ஆஃப் சூப்பர்அனுவேஷன் ஃபண்ட்ஸ் ஆஃப் ஆஸ்திரேலியா (ஏஎஸ்எஃப்ஏ), விமன் இன் சூப்பர், மற்றும் சூப்பர் மெம்பர்ஸ் கவுன்சில் ஆகியவை குடும்ப வன்முறையில் ஈடுபடுபவர்கள் தங்கள் பாதிக்கப்பட்டவரின் ஓய்வூதிய பலன்களைப் பெறுவதைத் தடுப்பதற்கான சட்டத்தை அறிமுகப்படுத்துமாறு ஆஸ்திரேலிய அரசாங்கத்திற்கு அழைப்பு விடுத்துள்ளன.
அதாவது குடும்ப வன்முறையால் உயிரிழப்பவர்களின் மரண பலன்கள் தொடர்பான சட்டங்களை சீர்திருத்துமாறு சம்பந்தப்பட்ட நிறுவனங்கள் அரசாங்கத்திடம் கோரிக்கை விடுத்துள்ளன.
தற்போதைய சட்டம் குற்றவாளிகள் தங்கள் குற்றங்களில் லாபம் ஈட்ட அனுமதித்துள்ளதாக சம்பந்தப்பட்ட சங்கங்கள் சுட்டிக்காட்டியுள்ளன.
இந்த விவகாரம் தொடர்பாக நடந்து வரும் நாடாளுமன்ற விசாரணையின் பரிந்துரைகளை பரிசீலனை செய்வதாக அரசு அறிவித்துள்ளது.
தற்போது நடைமுறையில் உள்ள சட்டத்தில் குறைபாடுகள் இருப்பின் அவை தீர்க்கப்படும் என பொது நிதி சேவைகள் அமைச்சர் ஸ்டீபன் ஜோன்ஸ் தெரிவித்துள்ளார்.
வன்முறை மற்றும் நிதி துஷ்பிரயோகத்தால் பாதிக்கப்பட்டவர்களை பாதுகாக்கும் வகையில் இந்த சட்டங்கள் சீர்திருத்தப்படும் என ஸ்டீபன் ஜோன்ஸ் மேலும் தெரிவித்துள்ளார்.
