மெல்போர்ன் முதியோர் இல்லத்தில் 90 வயது முதியவர் தீக்காயம் அடைந்து உயிரிழந்த சம்பவம் தொடர்பாக அந்த நிறுவனத்திற்கு $66,000 அபராதம் விதிக்கப்பட்டுள்ளது.
குறித்த நிறுவனத்தில் பொருத்தப்பட்டிருந்த ஹீட்டரில் இருந்து இந்த முதியவருக்கு தீக்காயம் ஏற்பட்டுள்ளதாக விசாரணைகளின் போது தெரியவந்துள்ளது.
விக்டோரியா மாநிலத்தில் உள்ள Broadmeadows மாஜிஸ்திரேட் நீதிமன்றத்தால் கடுமையான காயத்தின் அபாயத்தைக் குறைக்க அல்லது அகற்றத் தவறியதற்காக அபராதம் விதிக்கப்பட்டது.
நடக்க முடியாத நிலையில் உள்ள இந்த நபர் முதியோர் இல்லத்தில் கட்டிலில் இருந்து விழுந்து படுக்கைக்கு அருகில் உள்ள சுவரில் இருந்த ஹீட்டர் மீது கால்கள் மோதி பலத்த தீக்காயம் அடைந்ததாக கூறப்படுகிறது.
2021 ஆம் ஆண்டு விபத்தின் பின்னர் அவர் மெல்போர்ன் மருத்துவமனைக்கு கொண்டு செல்லப்பட்ட போதிலும், முதியோர் இல்லத்தில் COVID-19 நிலைமை காரணமாக அவர் அனுமதிக்கப்படவில்லை என்று கூறப்படுகிறது.
மாறாக, மருத்துவமனை அவரை முதியோர் இல்லத்தில் வைத்து சிகிச்சை அளித்தது.
பின்னர், தீக்காயங்கள் கடுமையாகி, தோல் ஒட்டுதல் மற்றும் விரல் துண்டிக்கப்பட்டு, மார்ச் 2022 இல் அவர் இறந்தார்.
இச்சம்பவத்துடன் அனைத்து முதியோர் இல்லங்களுக்கும் இந்த விபத்தை ஏற்படுத்திய ஹீட்டர்களினால் ஏற்படும் அபாயம் குறித்து எச்சரிக்கை விடுக்கப்பட்டுள்ளதாக குறிப்பிடப்படுகின்றது.
