Melbourne Monash பல்கலைக்கழகத்தில் இருந்து Clayton நிலையம் நோக்கி பயணித்த பேருந்தில் பெண் ஒருவரை பாலியல் வன்கொடுமை செய்த நபர் ஒருவரைக் கண்டுபிடிக்க பொலிஸ் விசாரணைகள் ஆரம்பிக்கப்பட்டுள்ளன.
இந்த பெண் கடந்த 4ஆம் திகதி மாலை 4 மணியளவில் நெரிசலான பேருந்தில் பயணித்துக் கொண்டிருந்த போது மானபங்கப்படுத்தப்பட்டதாகக் கூறப்படுகிறது.
பேருந்தில் பயணிகள் நிரம்பியிருந்ததால், அந்தப் பெண்ணால் நகர முடியாமல் போனதுடன், சம்பவத்திற்குப் பிறகு, பஸ்ஸின் எஞ்சியவர்கள் தலையிட்டு அவருக்கு உதவியுள்ளனர்.
இந்த சந்தேக நபர் மற்ற பயணிகளுடன் ஆபாசமான வார்த்தைகளை பரிமாறிக்கொண்டுள்ளதாக தமக்கு தகவல் கிடைத்துள்ளதாக விக்டோரியா பொலிஸார் தெரிவித்தனர்.
பயணிகளின் எதிர்ப்புக்கு மத்தியில் சந்தேக நபர் பேருந்தில் இருந்து இறங்கிய பின்னர் யுவதி ஒருவரிடம் சென்று தகாத வார்த்தைகளால் திட்டியதாக குற்றச்சாட்டுக்கள் உள்ளன.
தற்போது சமூக சீர்திருத்த நிலையத்தில் வேறு பல குற்றச் சாட்டுக்களுக்கு உள்ளான ஒருவரே இச்சம்பவத்தில் ஈடுபட்டிருக்கலாம் என சந்தேகிக்கின்ற பொலிஸார், இது தொடர்பில் பேருந்தில் அல்லது புகையிரத நிலையத்திற்கு அருகில் பயணித்த பயணிகளிடம் தெரிவிக்குமாறும் கேட்டுள்ளனர்.
