மூன்று ஆஸ்திரேலிய மாணவர்களில் ஒருவர் அடிப்படை கல்வியறிவு மற்றும் எண்ணியல் தரங்களை பூர்த்தி செய்யவில்லை என்று ஒரு புதிய கணக்கெடுப்பு வெளிப்படுத்தியுள்ளது.
3, 5, 7 மற்றும் 9 ஆம் ஆண்டுகளில் 1.3 மில்லியன் மாணவர்கள் வருடாந்தத் தேர்வில் தோற்றிய பின்னர் பெறப்பட்ட பெறுபேறுகளின் அடிப்படையில் கணக்கெடுப்புத் தகவல்கள் வெளியிடப்பட்டுள்ளன.
கணிதம் தொடர்பான பரீட்சைக்குத் தோற்றிய மாணவர்களில் 9.5 வீதமானவர்கள் மேலதிக ஆதரவு தேவைப்படும் மிகக் குறைந்த தரவரிசைக்கு வந்ததாகவும், கல்வியறிவில் கூடுதல் ஆதரவு தேவைப்படும் குழுவில் 10.3 வீதமானவர்கள் இணைந்ததாகவும் குறிப்பிடப்பட்டுள்ளது.
7ஆம் ஆண்டு பெண் மாணவர்கள் எழுத்துத் தேர்வில் கலந்துகொண்டு 73.1 சதவீத மதிப்பெண்களைப் பெற்றுள்ளனர்.
அனைத்து மாநிலங்கள் மற்றும் வயதுக் குழுக்களில், பழங்குடி சமூகங்களைப் பிரதிநிதித்துவப்படுத்தும் மாணவர்கள் கல்வியறிவு பாடங்களில் குறைவான மதிப்பெண்களைப் பெற்றுள்ளனர்.
வாசிப்புத் தேர்வுகளில், பழங்குடியினர் அல்லாத 10 மாணவர்களில் ஒருவர் கூடுதல் ஆதரவு தேவைப்படும் நிலையில் உள்ளனர், மேலும் மூன்று பழங்குடியின மாணவர்களில் ஒருவர் அந்த நிலையில் உள்ளனர்.
ஆஸ்திரேலிய பள்ளிகளின் தரத்தை மேம்படுத்த நடவடிக்கை எடுக்க வேண்டியதன் அவசியத்தை இந்த முடிவுகள் காட்டுவதாக கல்வி அமைச்சர் ஜேசன் கிளேர் கூறுகிறார்.
ஒரு மாணவரின் கல்வி மற்றும் வாழ்க்கையின் முக்கியமான தருணங்கள் பெற்றோரின் வருமானத்தையோ, தோலின் நிறத்தையோ சார்ந்து இருக்கக்கூடாது என்றாலும், அது இன்னும் நடந்துகொண்டேதான் இருக்கிறது என்பதை இந்த முடிவுகள் காட்டுவதாக அமைச்சர் வலியுறுத்தினார்.
