ஆஸ்திரேலியா போஸ்ட், வரும் விடுமுறைக் காலத்தில் ஆயிரக்கணக்கான சாதாரண தொழிலாளர்களை வேலைக்கு அமர்த்த முடிவு செய்துள்ளது.
ஆஸ்திரேலியா போஸ்ட் ஆயிரக்கணக்கான வேலை தேடுபவர்களை கிறிஸ்துமஸ் விடுமுறைக்கு முன் பணியில் சேர அழைப்பு விடுத்துள்ளது.
சிறப்புத் திறன் கொண்ட சுமார் 3000 சாதாரண பணியாளர்கள் பணியமர்த்தப்பட உள்ளதாகக் கூறப்படுகிறது.
விநியோக வலையமைப்புடன் தொடர்புடைய Forklift Operators, Van and Truck Drivers, Freight Forwarders மற்றும் பார்சல் வரிசைப்படுத்துபவர்கள் போன்ற பதவிகளுக்கான காலியிடங்கள் அறிவிக்கப்பட்டுள்ளன.
நியூ சவுத் வேல்ஸ், விக்டோரியா மற்றும் குயின்ஸ்லாந்து போன்ற மாநிலங்களில் இந்த வேலை வாய்ப்புகள் இருப்பதாக ஆஸ்திரேலியா போஸ்ட் கூறியுள்ளது.
வருடத்தின் பரபரப்பான நேரத்தில் தேவையை பூர்த்தி செய்வதற்கும் ஆஸ்திரேலியர்களுக்கு உயர் மட்ட சேவையை வழங்குவதற்கும் பணியாளர்களை வலுப்படுத்த எதிர்பார்த்திருப்பதாக நிர்வாக பொது மேலாளர் சூ டேவிஸ் கூறினார்.
கடந்த ஆண்டு, ஆஸ்திரேலியா போஸ்ட், கிறிஸ்மஸ் சீசனுக்கு முன்பாக, சாதாரண தொழிலாளர்களை வேலைக்கு அமர்த்தி கிட்டத்தட்ட 100 மில்லியன் பார்சல்களை வழங்கியது.
இந்தப் பதவிகளுக்கு விண்ணப்பிக்க விரும்பும் ஆஸ்திரேலியர்கள் ஆன்லைனில் விண்ணப்பிக்கலாம் என்றும் Australia Post தெரிவிக்கிறது.
