ரிக்டர் அளவுகோலில் 5.0 ஆக பதிவான சக்திவாய்ந்த நிலநடுக்கத்தால் நியூ சவுத் வேல்ஸ் மாநிலம் பாதிக்கப்பட்டுள்ளதாக தெரிவிக்கப்பட்டுள்ளது.
நியூ சவுத் வேல்ஸில் உள்ள சிட்னி உள்ளிட்ட பல பகுதிகளில் இந்த நிலநடுக்கம் உணரப்பட்டுள்ளதாகவும், பல வீடுகள் சேதமடைந்துள்ளதாகவும், பள்ளிகளில் இருந்து மாணவர்கள் வெளியேற்றப்பட்டுள்ளதாகவும் கூறப்படுகிறது.
சிட்னிக்கு வடக்கே சுமார் 250 கிலோமீட்டர் தொலைவில் உள்ள சுரங்க நகரான டென்மன் அருகே 10 கிலோமீட்டர் ஆழத்தில் நிலநடுக்கத்தின் மையம் இருந்தது தெரியவந்துள்ளது.
நேற்று நள்ளிரவு 12 மணியளவில் ஏற்பட்ட நிலநடுக்கம், சிட்னியைச் சுற்றியுள்ள டப்போ, மஸ்வெல்புரூக், நியூகேஸில், போர்ட் மெக்குவாரி மற்றும் மவுண்ட் ட்ரூயிட் உள்ளிட்ட பல பகுதிகளில் உணரப்பட்டதாக ஆஸ்திரேலியாவின் புவியியல் ஆய்வு மையம் தெரிவித்துள்ளது.
மேலும், இதனால் பல வீடுகள், உடைமைகள் சேதம் அடைந்துள்ளதுடன், பெற்றோருக்கு தகவல் தெரிவித்து மாணவர்களை வீடுகளுக்கு அனுப்ப பள்ளி நிர்வாகம் நடவடிக்கை எடுத்துள்ளது.
மஸ்வெல்ப்ரூக், டென்மன், ஜெர்ரிஸ் ப்ளைன்ஸ், புரீன், பெங்காலா ஆகிய பகுதிகளில் 2500க்கும் மேற்பட்ட வாடிக்கையாளர்கள் நிலநடுக்கத்திற்குப் பிறகு மின்சாரம் துண்டிக்கப்பட்டதாக புகார் அளித்துள்ளதாகவும் தெரிவிக்கப்பட்டுள்ளது.
