மெல்போர்ன் பள்ளி அருகே கத்திக்குத்து

மெல்போர்னின் ஃப்ரேசர் ரைஸில் உள்ள பள்ளிக்கு அருகே 16 வயது சிறுவன் கத்தியால் குத்தப்பட்டதில் காயமடைந்துள்ளார்.

இன்று பிற்பகல் 3.10 மணியளவில் இந்த வாள்வெட்டுச் சம்பவம் இடம்பெற்றுள்ளதுடன், இது தொடர்பில் கிடைத்த தகவலின் பிரகாரம் அவசர சேவை பிரிவினர் வருகை தந்துள்ளனர்.

இத்தாக்குதலில் சுமார் 7 இளைஞர்கள் ஈடுபட்டுள்ளதாகவும், வாள்வெட்டுக்கு இலக்கான சிறுவனின் கையில் காயங்கள் காணப்படுவதாகவும் தெரிவிக்கப்படுகிறது.

பள்ளிக்கு அருகில் உள்ள பேருந்து நிறுத்தத்தில் சுமார் 7 பேர் கொண்ட கும்பல் தடிகளுடன் இளைஞனை தாக்கியதாக போலீசார் தெரிவித்தனர்.

ஆம்புலன்ஸ் மருத்துவர்கள் சிறுவனுக்கு முதலுதவி அளித்து சன்ஷைனில் உள்ள மருத்துவமனைக்கு கொண்டு சென்றனர்.

தாக்குதலின் பின்னர் சந்தேகநபர்கள் கறுப்பு நிற காரில் அங்கிருந்து தப்பிச் சென்றுள்ளதாக தெரிவிக்கப்படுகின்றது.