மெல்போர்ன் குடியிருப்பாளர்கள் குழு, கத்திக்குத்து சம்பவங்கள் அதிகரித்து வரும் நிலையில், இளம் குற்றவாளிகளுக்கு கடுமையான தண்டனைகள் வழங்கப்பட வேண்டும் என்று கோரிக்கை விடுத்துள்ளனர்.
மெல்போர்னின் ஃப்ரேசர் ரைஸில் உள்ள ஒரு பள்ளிக்கு அருகிலுள்ள பேருந்து நிறுத்தத்தில் 16 வயது சிறுவனை இளைஞர்கள் குழு ஒன்று கத்தியால் குத்தியதை அடுத்து இந்த கோரிக்கைகள் வந்துள்ளன.
நேற்று பிற்பகல் 3 மணியளவில் முகமூடி அணிந்த கும்பல் ஒன்று பஸ் நிறுத்தத்தில் இருந்த இளைஞனை தாக்கிவிட்டு தப்பிச் சென்றதாக தெரிவிக்கப்படுகிறது.
இளைஞர் குழுவினர் மாணவியை சுற்றி வளைத்து தாக்கியதால் அதிர்ச்சியடைந்ததாகவும், இது மிகவும் பயங்கரமான சம்பவம் என்றும் சம்பவத்தை நேரில் பார்த்தவர்கள் தெரிவித்தனர்.
சமூகம் என்ற ரீதியில் அனைவரும் ஒன்றிணைந்து இதுபோன்ற இளைஞர்களின் குற்றச்செயல்களுக்கு எதிராகவும், இத்தகைய தாக்குதல்களை கண்டிக்க வேண்டும் என்றும் அப்பகுதி மக்கள் வலியுறுத்தியுள்ளனர்.
இந்த தாக்குதல் காரணமாக நேற்று ஸ்பிரிங்சைட் வெஸ்ட் செகண்டரி கல்லூரிக்கு அருகில் பாதுகாப்பு பலப்படுத்தப்பட்டதுடன், இளைஞர் ஒருவர் கத்தியை கையில் வைத்திருப்பதாக தகவல் கிடைத்ததையடுத்து விசேட தேடுதல் நடவடிக்கையும் மேற்கொள்ளப்பட்டது.
சந்தேகத்திற்கிடமான வகையில் எதுவும் அங்கு காணப்படவில்லை என்றாலும், இளைஞர்களின் குற்றச்செயல்களுக்கு எதிராக கடுமையான நடவடிக்கை எடுக்குமாறு பாதுகாப்புப் பிரிவினரிடம் அக்கறையுள்ள பெற்றோர்கள் கோரிக்கை விடுத்துள்ளனர்.
நேற்று பஸ் நிலையத்தில் வைத்து 16 வயதுடைய மாணவன் மீது தாக்குதல் நடத்தப்பட்ட சம்பவம் தொடர்பில் சந்தேகத்தின் பேரில் 7 பேரை தேடி வருவதாக பொலிஸார் குறிப்பிட்டுள்ளனர்.
