ஹெராயினை விட 500 மடங்கு வீரியம் கொண்ட கொடிய செயற்கை மருந்து ஆஸ்திரேலியாவில் பரவி வருவதாக தகவல் வெளியாகியுள்ளது.
நாட்டின் மருந்து சந்தையில் அதிகளவு வளர்ந்து வரும் இந்த போதைப்பொருள் தொடர்பில் உடனடியாக நடவடிக்கை எடுக்குமாறு அதிகாரிகளிடம் கோரிக்கை விடுக்கப்பட்டுள்ளது.
இவ்வகையான இரண்டு மில்லிகிராம் போதைப்பொருள் கூட உயிரிழப்பை ஏற்படுத்தக்கூடியதுடன், இந்நாட்டில் பயன்படுத்தப்படும் போதைப்பொருள், கொக்கெய்ன், ஹெரோயின் மற்றும் இலத்திரனியல் சிகரெட்டுகளுடன் கலக்கப்படுவதாகவும் தெரியவந்துள்ளது.
இது நியூ சவுத் வேல்ஸ் மாநிலத்தில் அதிகளவில் பயன்படுத்தப்படுவதாக தகவல் கிடைத்துள்ளதுடன், இது தொடர்பாக பல எச்சரிக்கைகளை அம்மாநில சுகாதாரத்துறை விடுத்துள்ளதாகவும் குறிப்பிடப்பட்டுள்ளது.
இந்த மருந்தின் ஆபத்து குறித்து மக்களுக்கு அறிவுறுத்த விழிப்புணர்வு பிரச்சாரத்தை தொடங்குமாறு மாநில சுகாதாரத் துறைகள் அரசுக்கு கோரிக்கை விடுத்துள்ளன.
போதைப்பொருளுக்கு அடிமையானவர்கள் இந்த போதைப்பொருளை பொழுதுபோக்கிற்கான போதைப்பொருளாக நினைத்து உட்கொள்வது பாரிய ஆபத்து என சமூக சேவை சங்கங்கள் சுட்டிக்காட்டுகின்றன.
Nitazenes எனப்படும் இந்த மருந்து 1950 ஆம் ஆண்டில் வலி நிவாரணியாக தயாரிக்கப்பட்டது மற்றும் பொது பயன்பாட்டிற்கு இது பரிந்துரைக்கப்படவில்லை என்று சுகாதாரத் துறை வலியுறுத்தியுள்ளது.
அவை ஹெராயினை விட மலிவானவை மற்றும் உற்பத்தி செய்ய எளிதானவை மற்றும் தூள், மாத்திரை அல்லது இ-சிகரெட் வடிவில் கிடைக்கின்றன என்று கூறப்படுகிறது.
இதற்கிடையில், இந்த மருந்தின் பயன்பாடு இங்கிலாந்தில் ஒரு நாளைக்கு ஒரு மரணத்தை ஏற்படுத்துகிறது என்று புதிய ஆய்வுகள் தெரிவிக்கின்றன.
