பாலியில் மோட்டார் சைக்கிள் விபத்தில் அவுஸ்திரேலிய இளைஞர் ஒருவர் உயிரிழந்துள்ளார்.
குயின்ஸ்லாந்தில் வசிக்கும் 30 வயதுடைய நபர் ஒருவர் தனது காதலியுடன் மோட்டார் சைக்கிளில் பயணித்த போது விபத்துக்குள்ளானதாக தெரிவிக்கப்படுகிறது.
இருவரும் நண்பர் ஒருவரின் திருமணத்திற்காக பாலிக்கு சென்றதாகவும், பின்னர் மோட்டார் சைக்கிள் சவாரிக்கு சென்றதாகவும் கூறப்படுகிறது.
மலைப் பகுதியொன்றை பார்வையிடுவதற்காக மோட்டார் சைக்கிளில் பயணித்த மோட்டார் சைக்கிள் வளைந்த வீதியில் கட்டுப்பாட்டை இழந்து கான்கிரீட் தூண் மீது மோதி விபத்துக்குள்ளானது.
உயிரிழந்த இளைஞன் மோட்டார் சைக்கிள் துறையில் புகழ்பெற்ற அனுபவமுள்ளவர் எனவும் அவரது நண்பர்கள் தெரிவித்துள்ளனர்.
உயிரிழந்த இளைஞனின் சடலத்தை தாயகம் கொண்டு வருவதற்கான நடவடிக்கைகளில் வெளிவிவகார திணைக்களம் மற்றும் அவரது குடும்பத்தினர் ஈடுபட்டுள்ளதாக தெரிவிக்கப்படுகின்றது.
