மெல்பேர்ணின் Hopetoun Green பகுதியில் பெண் ஒருவரையும் ஆண் ஒருவரையும் கத்தியால் தாக்கிய இளைஞனை பொலிசார் கைது செய்துள்ளனர்.
21 வயதுடைய சந்தேகநபர் நேற்று இரவு 10 மணியளவில் Hopetoun Green பகுதியில் உள்ள வீடொன்றின் முன்பாக கார்களை சேதப்படுத்தியதாகவும், கத்தியைப் பயன்படுத்தியதாகவும் குற்றம் சுமத்தப்பட்டுள்ளதாக பொலிஸார் தெரிவித்தனர்.
இந்த இளம் சந்தேக நபர் தாக்கப்பட்டதில் 54 வயதுடைய ஆணும் 24 வயதுடைய யுவதியும் படுகாயமடைந்து வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது.
21 வயதுடைய சந்தேக நபர் இரவு 11.30 மணியளவில் பொலிஸில் சரணடைந்த பின்னர் கைது செய்யப்பட்டுள்ளார்.
இச்சம்பவத்திற்கான சரியான காரணம் இதுவரை வெளிவராத நிலையில், சந்தேகநபர் நீதிமன்றில் ஆஜர்படுத்தப்பட்டதன் பின்னர் விளக்கமறியலில் வைக்கப்பட்டுள்ளதாக பொலிஸார் தெரிவித்தனர்.
