விக்டோரியா மாநிலத்தில் தற்போது மரங்கள் முறிந்து விழுந்ததால் சேதமடைந்த வீடுகள் மற்றும் சாலைகளை சீரமைக்கும் பணி நடைபெற்று வருகிறது.
நியூ சவுத் வேல்ஸ் மற்றும் விக்டோரியாவின் எல்லையில் உள்ள ஒரு வீட்டின் மீது மரம் விழுந்ததில் ஒரு பெண் இறந்துள்ளார், மேலும் 100,000 க்கும் மேற்பட்ட வீடுகளில் இன்னும் மின்சாரம் இல்லை என்று தகவல்கள் தெரிவிக்கின்றன.
மணிக்கு 130 கிலோமீட்டர் வேகத்தில் வீசிய காற்றின் காரணமாக விக்டோரியா மாகாணத்தில் உள்ள வீடுகளின் கூரைகள் இடிந்து விழுந்ததுடன், கரையோரம் இருந்த பல படகுகளும் அடித்துச் செல்லப்பட்டுள்ளன.
2,800 க்கும் மேற்பட்ட உதவி அழைப்புகளுக்கு மாநில அவசர சேவைகள் பதிலளித்ததாகவும், அவர்களின் சேவையைப் பாராட்டுவதாகவும் பிரதமர் ஜெசிந்தா ஆலன் கூறினார்.
கிப்ஸ்லாந்தில் பல வீடுகள் சேதமடைந்துள்ளன மற்றும் குறைந்தது 120,000 வீடுகள் மின்சாரம் இல்லாமல் இருக்கும் என்று அரசாங்கம் கூறியது.
எனினும், நேற்று இரவுக்குள் அனைத்து வீடுகளுக்கும் மின்சாரம் வழங்கி அவற்றை மீட்டெடுக்கும் என எரிசக்தி நிறுவனங்கள் தெரிவித்துள்ளன.
விக்டோரியாவின் கடற்கரையோரத்தில் எச்சரிக்கை தொடர்ந்தும் உள்ளது.
நேற்று முன்தினம் அதிகாலை 2.29 மணியளவில் மெல்பேர்ணில் வில்சன் ப்ரோமண்டரி பகுதியில் இருந்து விக்டோரியா மாநிலத்தில் மிக மோசமான காற்று நிலை பதிவாகியுள்ளதுடன் காற்றின் வேகம் மணிக்கு 146 கி.மீ ஆக பதிவாகியுள்ளது.
