சிட்னியின் மேற்கில் 10,000 புதிய வீடுகளுடன் ஒரு புதிய நகரத்தை உருவாக்க திட்டமிடப்பட்டுள்ளது.
மேற்கு சிட்னி விமான நிலையத்தைச் சுற்றி ஆயிரக்கணக்கான புதிய வீடுகள் கட்டப்பட உள்ளதாகவும், இதனால் சிட்னியின் மேற்குப் பகுதியில் புதிய நகரம் தொடங்கப் போவதாகவும் கூறப்படுகிறது.
20,000 புதிய வேலைகளை உருவாக்கும் Bradfield City Centre எனப்படும் நகரின் மாபெரும் திட்டத்திற்க்கு மாநில அரசு அதிகாரப்பூர்வமாக ஒப்புதல் அளித்துள்ளது.
இதற்காக நியூ சவுத் வேல்ஸ் மாநில அரசு ஒரு பில்லியன் டாலர் முதலீடு செய்ய உள்ளது.
இங்கு புதிதாக கட்டப்படும் 10,000 வீடுகளில் 10 சதவீதம் மலிவு விலை வீடுகளாக இருக்க திட்டமிடப்பட்டுள்ளது.
Bradfield Development Authority-ஆல் உருவாக்கப்பட்ட இந்தத் திட்டம், பயன்படுத்தப்படாத 114 ஹெக்டேர் நிலத்தை ஒரு தோட்ட நகரமாக மாற்றும் மற்றும் தொழில்துறை மற்றும் வணிக பயன்பாட்டிற்கான வசதிகளை உள்ளடக்கியது.
Bradfield நகரின் மையம் புதிய Bradfield Metro நிலையத்திலிருந்து 400 மீட்டருக்குள் கட்டப்படும் என அறிவிக்கப்பட்டுள்ளது.
புதிய நகரம் இரண்டு ஹெக்டேர் Central Park, ஒரு நீச்சல் குளம் மற்றும் கச்சேரிகள் மற்றும் பொது நிகழ்வுகளுக்கான இரண்டு இடங்களை உள்ளடக்கும்.
நியூ சவுத் வேல்ஸ் அரசாங்கம், Bradfield City Center கலாச்சாரம், படைப்பாற்றல் மற்றும் புதுமை ஆகியவற்றில் வலுவான கவனம் செலுத்துகிறது.
