Centerlink Rent Assistance, வேலை தேடுபவர் மற்றும் பிற அரசாங்க மானியங்களுக்கான கொடுப்பனவுகளின் தொடக்கத்துடன் மில்லியன் கணக்கான ஆஸ்திரேலியர்கள் கூடுதல் பணத்திற்கான உரிமையைப் பெறுவார்கள்.
இந்த மாதம் தொடங்கவிருக்கும் வாடகை உதவிக் கொடுப்பனவுகளுக்கான கூடுதல் பணத்தை, அடுத்த சில வாரங்களில் மில்லியன் கணக்கான மக்கள் பெறுவார்கள் என்று Services Australia அறிவித்துள்ளது.
வேலை தேடுபர்கள் பதினைந்து நாட்களுக்குள் கூடுதலாக $71.20 பெறுவார்கள்.
இது ஓய்வூதியங்கள், ஆஸ்வயது ஓய்வூதியம், ஊனமுற்றோர் ஆதரவு ஓய்வூதியம் மற்றும் பராமரிப்பாளர் கொடுப்பனவுகள், காமன்வெல்த் வாடகை உதவி, வேலை தேடுபவர் மற்றும் பெற்றோருக்குரிய கொடுப்பனவுகள் உட்பட பல நன்மைகளுக்குப் பொருந்தும்.
செப்டம்பர் 20 முதல், சராசரி இரு வார அதிகரிப்பு $41.50 ஆக இருக்கும் என்றும், இது கொடுபனவுகளின் அடிப்படையில் மாறுபடலாம் என்றும் தெரிவிக்கப்பட்டுள்ளது.
வாடகை உதவி மற்றும் வேலை தேடுவோரின் கொடுப்பனவுகளில் மாற்றங்கள் 20 ஆம் திகதி முதல் நடைமுறைக்கு வரும் என்றும் காமன்வெல்த் வாடகை உதவிக்கான அதிகபட்ச கட்டணங்கள் 10 சதவீதத்தால் அதிகரிக்கப்படும் என்றும் தெரிவிக்கப்பட்டுள்ளது.
குழந்தைகள் இல்லாமல் தனியாக ஒரு வீட்டை வாடகைக்கு எடுக்கும் ஒரு நபர் இரண்டு வாரங்களுக்கு கூடுதல் $23 பெறுவார்.
ஒன்று அல்லது இரண்டு குழந்தைகளைக் கொண்ட குடும்பங்களுக்கு, வாடகை உதவிக்கான இருவாரக் கட்டணம் $27.02 ஆக அதிகரிக்கும்.
வாரத்திற்கு 0 முதல் 14 மணிநேரம் வரை பகுதிநேர வேலை செய்யும் தனிப்பட்ட வேலை தேடுபவர்களுக்கான கொடுப்பனவு இரண்டு வாரங்களுக்கு $849.50 ஆக உயரும் என்று சமூக சேவைகள் திணைக்களம் குறிப்பிட்டுள்ளது.
குழந்தைகள் இல்லாத ஒற்றை நபர்களின் கொடுப்பனவுகள் $15.30 ஆகவும், குழந்தைகளுடன் தனியாக இருப்பவர்கள் $19.80 ஆகவும் அதிகரிப்பதைக் காண்பார்கள்.
