மெல்பேர்ணின் சிட்னாம் பகுதியில் உள்ள வீடொன்றில் ஏற்பட்ட தீ விபத்தினால் வைத்தியசாலைக்கு கொண்டு செல்லப்பட்ட இரண்டு சிறுமிகள் உயிரிழந்துள்ளனர்.
கடந்த ஞாயிற்றுக்கிழமை இரவு 9.30 மணியளவில் வீட்டில் தீ விபத்து ஏற்பட்ட போது, அவசர சேவைப் பணியாளர்கள் வீட்டில் இருந்த மூன்று குழந்தைகளை மீட்டு மருத்துவமனைக்கு கொண்டு சென்றனர்.
உயிரிழந்தவர்கள் 5 வயது சிறுமி மற்றும் அவரது 21 மாத சகோதரியும் ஆகும். மேலும், அந்த வீட்டில் உள்ள 3 வயது சிறுவன் இன்னும் மருத்துவமனையில் சிகிச்சை பெற்று வருகிறான்.
நேற்று காலை இரண்டு சிறுமிகளும் உயிரிழந்ததாகவும், சிறுவன் கவலைக்கிடமாக இருப்பதாகவும் பொலிஸார் தெரிவித்தனர்.
தீ விபத்துக்கான காரணம் என்ன, தீ விபத்து ஏற்பட்ட போது அல்லது சிறிது நேரத்திற்கு முன்பு வீட்டில் இருந்தவர்கள் யார் என்பது குறித்து தீ விபத்து மற்றும் வெடிபொருள் பிரிவு அதிகாரிகள் விசாரணை நடத்தி வருகின்றனர்.
உயிரிழந்த பிள்ளைகளின் தந்தை இந்த வீட்டில் வசிக்கவில்லை எனவும், சம்பவம் தொடர்பில் பொலிஸாரால் அவருக்கு அறிவிக்கப்பட்டுள்ளது.
குறித்த வீட்டில் தீ பரவுவதற்கு ஒரு வாரத்திற்கு முன்னர் குறித்த பிள்ளைகள் தாயுடன் இந்த வீட்டிற்கு வந்துள்ளதாக பொலிஸார் தெரிவித்துள்ளனர்.
எவ்வாறாயினும், தீ விபத்தின் போது அவர் வீட்டில் இருந்தாரா என்பது தெரியவரவில்லை, இது தொடர்பான மேலதிக விசாரணைகளை விக்டோரியா பொலிஸார் மேற்கொண்டு வருகின்றனர்.
