இந்திய தனியார் தொலைக்காட்சியில் ஒளிபரப்பாகும் பிரபல Reality Show-ன Bigg Boss நிகழ்ச்சியை நடிகர் விஜய் சேதுபதி இம்முறை தொகுத்து வழங்குகிறார்.
கடந்த 7 ஆண்டுகளாக Bigg Boss நிகழ்ச்சியைத் தொகுத்து வழங்கிய நடிகர் கமல்ஹாசன் திடீரென விலகுவதாக அண்மையில் அறிவித்தார்.
இதைத்தொடர்ந்து Bigg Boss season 8 நிகழ்ச்சியின் அடுத்த தொகுப்பாளர் யார் என்ற கேள்வி எழுந்தது.
7 சீசனுக்கு பிறகு, Bigg Boss season 8 நிகழ்ச்சியைத் தொகுத்து வழங்கப்போகும் புதிய தொகுப்பாளர் குறித்து இரசிகர்கள் மத்தியில் எதிர்பார்ப்பு எழுந்த நிலையில், நடிகர் விஜய் சேதுபதி தொகுத்து வழங்குவது தெரியவந்தது.
இந்நிலையில், Bigg Boss season 8 நிகழ்ச்சிக்கான Promo காணொளி நேற்று மாலை 5 மணிக்கு வெளியானது.
முன்னதாக Promo காணொளி தொலைக்காட்சியில் வெளியிடப்பட்டு வந்த நிலையில், இம்முறை மாற்று முயற்சியாக Bigg Boss season 8 நிகழ்ச்சியின் Promo காணொளி சென்னை உட்படத் தமிழ்நாட்டின் 10 மாவட்டங்களில் மக்களால் வெளியிடப்பட்டன.
அதன்படி, சென்னை பெசன் நகர், திருச்சி பிரீஸ் ஓட்டல், மதுரை அம்பிகா கலைக் கல்லூரி, சேலம் சக்தி கைலாஷ் மகளிர் கல்லூரி, திருநெல்வேலி, விருதுநகர் அப்சாரா சினிமாஸ், வேலூர்- பழைய பேருந்து நிலையம், கடலூர், கோவை மற்றும் ஈரோடு உள்ளிட்ட 10 மாவட்டங்களில் பொதுமக்கள் ப்ரோமோ காணொளியை வெளியிட்டனர்.
