நீண்ட இடைவெளிக்குப் பிறகு இயக்குனர் சுந்தர் சி மற்றும் நகைச்சுவை நடிகர் வடிவேலுவும் இணையும் படம் ஒன்று உருவாகி வருவதாகச் செய்திகள் வெளியாகியுள்ளன.
இந்த படத்தின் தலைப்புடன் கூடிய First Look poster வெளியாகி இணையத்தில் வைரலாகி வருகிறது.
சுந்தர் சி மற்றும் வடிவேலு கூட்டணி மிகப்பெரிய வெற்றிக் கூட்டணி என்று கோலிவுட் திரையுலகில் கூறப்பட்ட நிலையில் இருவருக்கும் ஏற்பட்ட சில கருத்து முரண்பாடு காரணமாகப் பல ஆண்டுகள் இருவரும் திரைப்படத்தில் இணையாமல் இருந்தனர்.
இந்த நிலையில் பல ஆண்டுகளுக்குப் பின் சுந்தர் சி இயக்கி நடிக்கும் திரைப்படத்தில் வடிவேலு நடிக்க இருப்பதாகச் செய்திகள் வெளியான நிலையில் இந்த படத்திற்கு “கேங்கர்ஸ்” என்ற தலைப்பு வைக்கப்பட்டுள்ளது.
இன்று (12 செப்டெம்பர்) நடிகர் வடிவேலு பிறந்தநாளை முன்னிட்டு இந்த படத்தின் தலைப்புடன் கூடிய First Look வெளியாகியுள்ளது குறிப்பிடத்தக்கது.
15 வருடங்களுக்குப் பிறகு இணையும் சுந்தர் சி மற்றும் வடிவேலுவின் நகைச்சுவை கூட்டணி, ரசிகர்கள் ரசிக்கும் வகையில் இருக்கும் என்றும், கைப்புள்ள, வீரபாகு மற்றும் சிங்காரம் என்ற கதாபாத்திரங்களில் கேங்கர்ஸ் படத்திலும் வடிவேலு நடித்து இருப்பதாகவும் செய்திகள் வெளியாகியுள்ளன.
