மெல்பேர்ணில் மூன்று நாட்களாக நடைபெற்ற போராட்டத்தின் விளைவாக விக்டோரியாவின் வரி செலுத்துவோர் $30 மில்லியன் செலுத்த வேண்டியிருக்கும் எனத் தெரியவந்துள்ளது.
நிலப்படைகள் கண்காட்சி மாநாடு மற்றும் கண்காட்சிக்கு எதிராக கடந்த புதன் கிழமை ஆரம்பிக்கப்பட்ட போராட்டத்தின் காரணமாக பாதுகாப்புச் செலவுகளுக்காக 30 மில்லியன் டொலர்கள் அரச வரி செலுத்துவோரிடம் இருந்து செலவிடப்படவுள்ளதாக தெரிவிக்கப்படுகின்றது.
போராட்டத்தின் தொடக்கத்தில் மாநில அரசு தெரிவித்த தொகையை விட இரண்டு மடங்கு அதிகமாக இதற்கு செலவிடப்பட்டுள்ளதாக கூறப்படுகிறது.
இந்த போராட்டத்தின் போது பல சமூக ஆர்வலர்களை போலீசார் கைது செய்ததுடன், வன்முறையை தூண்டியதாக காவல்துறை மீது குற்றம் சாட்டப்பட்டுள்ளது.
புதன் கிழமை உத்தியோகபூர்வமாக ஆரம்பிக்கப்பட்ட தரைப்படைகள் கண்காட்சி மாநாடு மற்றும் கண்காட்சிக்கு எதிர்ப்புத் தெரிவிக்கும் வகையில் கடந்த சனிக்கிழமை முதல் போருக்கு எதிரான போராட்டக்காரர்கள் வீதிகளை மறித்து வருகின்றனர்.
24 ஆண்டுகளுக்குப் பிறகு நடைபெறும் மிகப் பெரிய போராட்டமான இதில் 25 ஆயிரத்துக்கும் மேற்பட்டோர் பங்கேற்பார்கள் என்று இந்தப் போராட்டம் தொடங்கும் முன் அறிவிக்கப்பட்டது.
இதன் விளைவாக, விக்டோரியா மாநில காவல்துறைத் தலைவர் நகரின் பாதுகாப்பை பலப்படுத்தவும், கூடுதல் காவல்துறை அதிகாரிகளை நிறுத்தவும் நடவடிக்கை எடுத்துள்ளார்.
