கட்டுமானம், வனத்துறை மற்றும் கடல்சார் தொழிலாளர்கள் சங்கத்தின் (CFMEU) ஆயிரக்கணக்கான தொழிலாளர்கள் இன்று மெல்பேர்ணில் பாரிய ஆர்ப்பாட்டத்தில் ஈடுபட்டுள்ளனர்.
வேலையில் இருந்து நீக்கப்பட்ட தொழிற்சங்கத் தலைவர்களால் நேற்று பிரிஸ்பேர்ணில் நடந்த பெரிய பேரணிக்குப் பிறகு இன்றைய மெல்பேர்ன் போராட்டம் நடத்தப்படுகிறது.
மெல்பேர்ணில் நடைபெறும் போராட்டத்தில் 85,000க்கும் மேற்பட்ட தொழிலாளர்கள் கலந்து கொள்வார்கள் என ஏற்பாட்டாளர்கள் எதிர்பார்க்கின்றனர்.
அவர்கள் காலை 11 மணி முதல் மெல்பேர்ண் சிபிடியில் கூடுவார்கள் என்று கூறப்படுகிறது.
பிரிஸ்பேர்ண், சிட்னி மற்றும் மெல்பேர்ணில் உள்ள ஆயிரக்கணக்கான தொழிலாளர்கள், கட்டுமானம், வனவியல் மற்றும் கடல்சார் தொழிலாளர் சங்கத்தை (CFMEU) தன்னார்வ நிர்வாகத்தின் கீழ் வைக்கும் அரசாங்கத்தின் முடிவிற்கு எதிராக கடந்த மாத இறுதியில் எதிர்ப்புத் தெரிவித்தனர்.
ஊழியர் சங்கத்தில் நாசகார கும்பல் ஒன்று சேர்ந்துள்ளதாக குற்றம் சுமத்தி அரசாங்கம் இந்த தீர்மானத்தை எடுத்துள்ளதாக தெரிவிக்கப்பட்டுள்ளது.
அந்த குற்றச்சாட்டுகளின் அடிப்படையில் பல தொழிற்சங்க தலைவர்கள் சேவையில் இருந்து நீக்கப்பட்டதுடன், அரசாங்கம் அரசியலமைப்பிற்கு முரணாக செயற்பட்டுள்ளதால், உரிய ஊழியர்களை மீண்டும் பணியில் இணைத்துக் கொள்ளுமாறு கோரி இந்த போராட்டங்கள் முன்னெடுக்கப்பட்டு வருகின்றன.
