பணியிடத்தில் பாலியல் துன்புறுத்தலுக்கு ஆளானவர்கள், குற்றவாளிகளை நீதிமன்றத்திற்கு அழைத்துச் செல்வதை எளிதாக்கும் நடவடிக்கை, ஆஸ்திரேலிய நாடாளுமன்றத்தில் நிறைவேற்றப்பட்டுள்ளது.
அவுஸ்திரேலிய மனித உரிமைகள் ஆணைக்குழு சட்டத்தில் கொண்டு வரப்படவுள்ள திருத்தத்தின் பிரகாரம், பாதிக்கப்பட்டவர்கள் வழக்கில் தோற்றால், சட்ட நடவடிக்கைகளுக்காக நீதிமன்றத்திற்கு பெரும் தொகையை செலுத்துமாறு பிறப்பிக்கப்பட்ட உத்தரவுகளை நிறுத்த முடியும் எனத் தெரிவிக்கப்படுகிறது.
பாதிக்கப்பட்டவர்கள் தமது குற்றவாளிகளை நீதிமன்றில் முன்னிலைப்படுத்த நிதித் தடைகளை நீக்கும் சட்டமூலம் நேற்று பாராளுமன்றத்தில் நிறைவேற்றப்பட்டுள்ளதாக தெரிவிக்கப்படுகின்றது.
முன்னதாக, அவுஸ்திரேலியாவில் பாலியல் வன்கொடுமைக்கு ஆளான பெருமளவிலானோர் சந்தேகநபரின் சட்டப்பூர்வ பில்களை செலுத்த வேண்டும் என்ற அச்சத்தில் சட்ட நடவடிக்கை எடுப்பதை தவிர்த்துள்ளமை தெரியவந்துள்ளது.
ஆஸ்திரேலிய தொழிற்சங்கங்களின் கவுன்சில் (ACTU) நடத்திய ஆய்வில், பணியிடத்தில் பாலியல் துன்புறுத்தலுக்கு ஆளான 2,30,000 பேரில் ஒருவர் மட்டுமே ஆஸ்திரேலிய நீதிமன்றத்தில் வழக்குத் தொடர்ந்துள்ளார்.
புதிய திருத்தம் அனைத்து பாலியல் துன்புறுத்தல் மற்றும் பாகுபாடு எதிர்ப்பு சட்டங்களுக்கும் பொருந்தும் மற்றும் ஒரு சில வழக்குகள் தவிர, பிரதிவாதிகளின் செலவுகளை வாதிகள் செலுத்த உத்தரவிட நீதிமன்றங்களை கட்டுப்படுத்தும்.
ACTU தலைவர் Michele O’Neil கூறுகையில், இது பணியிடத்தில் பாலியல் துன்புறுத்தலுக்கு ஆளானவர்களுக்கு நிதித் தண்டனைகளுக்கு அஞ்சாமல் நீதியைப் பெற நீதிமன்றத்திற்குச் செல்லும் வாய்ப்பை வழங்கும் என்றார்.
