J K Rowling எழுதிய நாவல்களைத் தழுவி உருவாக்கப்பட்ட Harry Potter திரைப்பட சீரிஸில் பேராசிரியர் மினெர்வா மெக்கோனகல் கதாபாத்திரத்தில் நடித்த பிரிட்டிஷ் நடிகை Maggie Smith [89 வயது] காலமானார். இவர் வயது மூப்பு காரணமாக செப்டம்பர் 27 அன்று அதிகாலை மருத்துவமனையில் உயிரிழந்ததாக அவரது குடும்பத்தினர் அறிவித்துள்ளனர்.
2 மகன்கள் மற்றும் 5 பேரக்குழந்தைகளை கொண்ட Maggie Smith குடும்பத்தினர் முன்னிலையில் அமைதியான முறையில் உயிரிழந்துள்ளதாக தெரிவிக்கப்பட்டுளது. 60 ஆண்டுகளுக்கும் மேலாக திரைத்துறையில் இயங்கி வந்த Maggie Smith 60 க்கும் மேற்பட்ட படங்களில் நடித்துள்ளார்.
The Prime of Miss Jean Brodie மற்றும் California Suite ஆகிய படங்களுக்காக 2 ஆஸ்கார் விருதுகளையும் பெற்றுள்ளார். Harry Potter ரசிகர்கள் அவரது மறைவுக்கு இரங்கல் தெரிவித்து வருகின்றனர்.
