வடகிழக்கு ஆபிரிக்க நாடான ஜிபூட்டி அருகே செங்கடலில் அகதிகள் படகு கவிழ்ந்ததில் 45 போ் உயிரிழந்தனா்.
இது குறித்து புலம் பெயா்வோா் நலனுக்கான ஐ.நா. பிரிவு வெளியிட்டுள்ள எக்ஸ் பதிவில் தெரிவிக்கப்பட்டுள்ளதாவது:ஜிபூட்டி கடலோரப் பகுதியில் அகதிகளை ஏற்றிச் சென்றுகொண்டிருந்த படகு கவிழ்ந்து மூழ்கியதில் அதிலிருந்த 45 போ் உயிரிழந்தனா்.
310 பேருடன் அந்தப் படகு யேமனிலிருந்து புறப்பட்டது. விபத்துப் பகுதியிலிருந்து 32 போ் மீட்கப்பட்டனா் என்று அந்தப் பதிவில் தெரிவிக்கப்பட்டுள்ளது.
ஜிபூட்டி கடலோர காவல் படை வெளியிட்டுள்ள அறிக்கையில், ‘வடகிழக்கு பிராந்தியமான கோா் ஆங்கா் கடற்கரைக்கு 150 மீட்டா் தொலைவில் அகதிகள் படகு கவிழ்ந்து விபத்துக்குள்ளானது.
அந்தப் படகிலிருந்த 115 பேரை மீட்டுள்ளோம். எஞ்சியவா்களைத் தேடும் பணி தொடா்ந்து நடைபெற்றுவருகிறது’ என்று தெரிவிக்கப்பட்டுள்ளது.
ஆபிரிக்கா மற்றும் மத்திய கிழக்கு நாடுகளில் இருந்து ஆண்டுதோறும் ஆயிரக்கணக்கானவா்கள் ஐரோப்பிய நாடுகளில் அடைக்கலம் பெறுவதற்காக தங்கள் உயிரை பணயம் வைத்து ஆபத்தான பயணத்தை மேற்கொண்டுவருகின்றனா்.
அவா்களை அகதிகள் கடத்தல்காரா்கள் பாதுகாப்பற்ற படகுகளில் அளவுக்கு அதிகமாக ஏற்றி அழைத்துச் செல்வதால் அவ்வப்போது விபத்துகள் ஏற்பட்டு ஏராளமானோா் உயிரிழக்கும் சம்பவங்கள் தொடா்ந்து நடைபெற்றுவருகின்றன.
நன்றி தமிழன்
