குயின்ஸ்லாந்து மற்றும் நியூ சவுத் வேல்ஸ் மாநிலங்களின் பல பகுதிகளில் கடுமையான புயல் நிலை மற்றும் கனமழை பெய்யும் என வானிலை மையம் எச்சரித்துள்ளது.
சில பகுதிகளில் பலத்த காற்று மற்றும் ஆலங்கட்டி மழை பெய்யும் என்றும் வெள்ளப்பெருக்கு ஏற்படும் என்றும் எச்சரிக்கப்பட்டுள்ளது.
நீண்ட வார இறுதியில் வெப்பம் அதிகரித்தாலும், இந்த இரு மாநிலங்களிலும் திடீரென வானிலை மாறி, கனமழை மற்றும் புயல் வீசும் சூழ்நிலை உள்ளதாக கூறப்படுகிறது.
நியூ சவுத் வேல்ஸில் இருந்து பிரிஸ்பேன், டூவூம்பா மற்றும் ஜிம்பி உள்ளிட்ட தென்கிழக்கு குயின்ஸ்லாந்து வரை பலத்த காற்று, பலத்த மழை மற்றும் இடியுடன் கூடிய மழை பெய்யும் என்று வானிலை ஆய்வு மையம் தெரிவித்துள்ளது.
அடுத்த சில நாட்களில் புயல் தீவிரமடைவதால் குயின்ஸ்லாந்தின் சில பகுதிகளில் கனமழை பெய்யும் என்றும் கணிக்கப்பட்டுள்ளது.
மேலும் பலத்த காற்றினால் மரங்கள் அல்லது மரக்கிளைகள் முறிந்து விழும் அபாயம் காணப்படுவதாகவும், குறித்த பகுதிகளில் வாகனங்களை செலுத்தும் போது விசேட கவனம் செலுத்துமாறும் அறிவுறுத்தப்பட்டுள்ளது.
வியாழன் வரை பெரும்பாலான பகுதிகளில் மழை மற்றும் புயல்கள் தொடரும், மேலும் புயல் அபாயம் வியாழக்கிழமைக்குள் குறையும் என்று எதிர்பார்க்கப்படுகிறது.
மோர்டன் வளைகுடா மற்றும் கோல்ட் கோஸ்ட் பகுதிகளுக்கு பலத்த காற்று எச்சரிக்கையும் பணியகம் விடுத்துள்ளது.
